Aerolinea Mericano cu pasashi bou di 200 dollar pa Aruba

NEW YORK – Un aerolinea Mericano ta ofreciendo pasashi pa Aruba bou di $200 dollar. E ta parti di un ‘gimmick’ nacional cu e aerolinea a inicia. Ta trata di e aerolinea Southwest cu ta conoci pa ta un aerolinea cu ta propaganda su mes como uno ‘barata’. Originalmente e aerolinea ta ofreciendo tarifa asina abou di $49 dollar, pero pa Aruba e ta yega te 200 dollar cu sigur ta un ganga. E descuento nan aki ta valido te 19 di April di e aña aki. Ta trata di un forma pa haya mas pasahero biaha cu e aerolinea. Mester tene na cuenta cu tin un cantidad di restriccion mara na dje.