Relacion entre islanan ABC y Venezuela a normaliza atrobe

CARACAS/ ORANJESTAD –Despues di un reunion largo entre vice presidente di Venezuela Tareck El Aissami y e minister di relacionnan exterior Hulandes Stef Blok, e vice presidente den un conferencia a anuncia cu ta elimina e blokeo entre Venezuela y islanan ABC, pero ta sigui cu un bon control pa evita contrabanda di e islanan. “Nos ta cuminsa un etapa nobo”, El Aissami a bisa. “Tur loke e islanan (ABC) mester, nan lo haya cu apoyo di Venezuela. E ta un acuerdo historico” El Aissami a sigui bisabisa. “Cuminsando awe ta cuminsa e proceso pa normaliza e relacion maritimo y area cu e islanan ABC” e vice presidente a finaliza bisando.

ARUBAFor di Aruba, gobierno a ricibi e siguiente informacion: Desde e momento aki pues e medida ta keda elimina y e trafico aereo y maritimo por continua. Gobierno di Aruba lo eherce controlnan estricto y lo no acepta ilegalidad. Tur persona cu kier drenta Aruba  mester cumpli cu requisitonan legal. Productonan di Venezuela por wordo importa solamente si tin un certificado di origen.