NGO: Pashentnan Venezolano ta biaha pa Aruba y Corsou djis pa remedi

CARACAS/ORANJESTAD – Pashentnan y famia di e pashentnan Venezolano regularmente ta bula bin Aruba y Corsou pa cumpra remedi. Asina un di e NGO’s di Venezuela, “Medicos por la salud’ a bisa Latin American Herald Tribune (LAHT). Con nan ta haci esaki awor, no ta conoci mirando cu tin un embargo. Pero e raportahe ta di e siman aki y no ta haci mencion di e parti aki. Mientrastanto e NGO ta mustra cu 80% di tur medicamento clave (antibiotica and remedi contra presion halto ta entre nan) ta imposibel pa haya na Venezuela. Como tal esaki ta e tipo di remedi cu nan ta busca na pais bisiña Colombia of Brazil, y ta bula pa nos islanan.

WELGA

Mientrastanto e portal Mericano ta raporta cu tres hospital Venezolano, esta Hospital Central Antonio María Pineda, Hospital Universitario de Pediatría Agustín Zubillaga y Hospital Luis Gómez López na Barquisimeto a bay den welga diahuebs y lo keda den welga por lo pronto, protestando asina escasez di remedi, material basico di limpieza y salario abou. A haci mencion tambe cu por lo menos 9 pashent cu tin e virus HIV ta muri na Venezuela diariamente.