ATIA cu rol activo pa duna imput na varios iniciativa di gobierno

ORANJESTAD – E gremio comercial Aruba Trade and Industry Association (ATIA) ta satisfecho cu nan reunion cu minister di husticia Andin Bikker. Durante e ATIA a trese dilanti algun punto di importancia pa comercio y comunidad di Aruba en general. Segun ATIA, Bikker no solamente a contesta tur pregunta of a elabora riba e iniciatianan cu e y su ministerio, y den algun caso conhunto cu otro ministerionan, ta trahando riba dje, pero tambe a invita ATIA pa tin un rol activo dunando input den varios iniciativa.

Topiconann discuti ta entre otro Ley di LTU, caminda tin hopi inconsistencia y confusion pa loke ta e implementacion di e ley aki. E personanan indocumenta cu ta actualmente riba nos isla, no ta contribui di niun manera na e primanan social manera AZV, SVb, AOV/AWW, pero tampoco via impuesto.