- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Depresion hoben den comunidad Caribense ainda ta un taboo
AMERSFOORT – Generalmente studiante di Caribe no ta busca ayudo psicologico, mientras cu hopi biaha nan mester di dje si. Esaki Jean-Marie Molina, pedagogo y docente di exito di estudio na Hogeschool di Rotterdam ta conclui pa partner di NoticiaCla, Ret Karibense. Diariamente Molina ta guia studiante na Hulanda cu retraso den nan estudio ora di caba e estudio. Entre nan tin studiante caribense tambe, pero nan hopi biaha no ta contento cu ayudo psicologico segun Molina.
‘Ata bo den bo camber chikito den frieu sin amigo ni famia’
Thaisja Suart (25) sa tur cos di esaki. Ora na 2013 el a muda di Corsou pa Hulanda pa studia, el a haña un burn-out i el a cai den un depresion profundo. Thaisja su relato segun Molina no ta un excepcion. “Hopi biaha mi ta mira un presencia halto di depresion cerca studiante di Caribe, cu mayoria biaha ta liá na heimwee”, e pedagogo ta conta. “Ta educa nos muchanan Caribense den un ambiente social i djey na ta bini Hulanda caminda nan no tin casi niun hende. Hopi studiante e ora ey ta cai den un ‘dip’. Especialmente si bo tabata sensitivo caba pa depresion un situacion asina ta traha manera un catalizado.”
‘Hopi biaha ta hasi bofon di enfermedad psiquico i ta considere cos di macaco’
Cu of sin red social studiante Caribense bon mira no ta admiti dje facil ey cu nan ta sufri di keho psigico. “Nos hendenan Caribense ta sali for di ambiente hopi religioso”, Molina ta splica, e mes tin su ‘roots’ na Sint Eustatius. Ta duna splicacion pa enfermedad psígico manera ‘oyada’, ‘e picanan di e antepasadonan’, of bo ta poseé.” Pero no ta falta di religion so segun Molina: “Ta especialmente e manera cu mayornan, amigonan i famianan ta reacciona riba keho di depresion. Hopi biaha ta hari enfermedad psigico, of ta yama nan co’i macaco of flohera. Regularmente tambe mi ta tende: B’a bini Hulanda i mesora bo ta tuma e enfermedadnan over di hende blanco cu nan psiquiaternan.
‘Studiante Caribense mester ta menos duro contra otro’
Molina ta sostene e iniciativa di Thaisja pa conta e docentenan Hulandes kico a yude durante di su depresion. Pero Molina ta mira un tarea mas grandi den comunidad Caribense mes. Mayornan Caribense, docente i especialmente studiante nan cu nan mester para mas habri pa otro su vulnerabilidad i papia over di esaki.” Pero e studiantenan Caribense mes segun Molina mester ta ‘menos duro contra otro’ i tuma mas iniciativa pa sera amistad pafo di ‘nan mes hendenan’. “Mi ta ripara tambe cu tiki studiante Caribense di nan mes ta hasi uso di e facilidadnan na scol i ta bishita decano of psicologo di scol. Esey ta pica pasobra bon mira leu fo’i cas asina ta net e ora ey nan mester di e yudanza ey mas tanto.
Fuente Ret Karibense. Autor Natasja Gibbs
Conocido presentadora di programa Sinterklaas Journaal mester laga amputa su nanishi
HILVERSUM – E conocido presentadora di television Hulandes, conoci mas pa e presentacion di e noticianan di Sinterklaas, Dieuwertje Blok (66) ta retira di su funcion. Esaki pasobra e mester haci un operacion cu ta cambia su apariencia. E mester laga amputa su nanishi pa evita cu cancer detecta, ta plama mas leu den su curpa. Asina e la informa den un entrevista na e corant Volkskrant. Cu e entrevista, e ta purba prepara hende pa e ‘spanto grandi’ manera e mes ta yama e situacion.
Gobierno Hulandes ta evaluando pa stop su paginanan riba Facebook
DEN HAAG – Tin chens cu gobierno di Hulanda por stop su actividad riba e red social Facebook. Esaki pasobra e compania madre di e compania, esta META, no ta dispuesto pa adapta cierto risico pa loke ta informacion personal di persona. Asina secretario di estado Hulandes Alexandra van Huffelen cu tin e cartera di digitalisacion tambe. Un conseho di ‘Autoriteit Persoonsgegevens’ a confirma den un conseho na e ministerio di Binnenlandse Zaken en Koninkrijkrelaties (BZK) di e risiconan en cuestion y a conseha pa no continua cu nan actividad riba Facebook.
Seleccion di futbol Hulandes PSV tin posibilidad pa titula campeon di Hulanda awe nochi
EINDHOVEN – E seleccion di futbol Hulandes PSV tin posibilidad pa titula campeon di Hulanda awe nochi. Awe nochi (ora di Hulanda) tin e partido entre PSV y Sc Heerenveen. Si nan gana, y Feyenoord no logra haya punto contra Go Ahead Eagles, e seleccion di Peter Bosz no por wordo alcansa mas. Hasta si PSV empata contra Heerenveen y Feyenoord perde di Go Ahead, e titulo ta di e ekipo di Eindhoven. Pa PSV, esaki lo ta e prome titulo nacional desde 2018.
Arubahuis a tene un ‘Ban Topa’ cu studiantenan na Den Haag
DEN HAAG – Arubahuis a tene un Ban Topa diaranzon anochi 24 di April cu studiantenan for di e region di Leiden, Den Haag, Delft y Rotterdam. Esaki a tuma lugar na De Haagse Hogeschool y a conta cu presencia di Minister Plenipotenciario mr. Ady Thijsen, Minister di Finanza y Cultura Xiomara Maduro, Minister di Labor, Integracion y Energia Glenbert Croes y directora di Gabinete di Aruba mr. Joselin Croes. Tambe tabata presente directora di Departamento di Recurso Humano (DRH) Omaira Lares.
Na Hulanda, partidonan formando formando gobierno, kier corta ‘eigen risico’ den cuido medico
DEN HAAG – E partidonan politico cu ta formando gobierno nobo na Hulanda ta deliberando pa haci cambionan drastico den cuido medico, particularmente e suma cu e ciudadano tin cu paga su mes, conoci como ‘eigen risico’, pa e haya e cuido. Nan ta sinti cu e suma actual, 358 euro, ta mucho halto. Y ta pensando pa sea baha esaki na mitar of elimina esaki completamente. E ta un deseo ferviente di e partidonan PVV y BBB. Nan ta kere cu e suma halto di eigen risico ta pone cu hopi ta evita pa haya ayudo medico. E otro dos partidonan VVD y NSC ta mas cauteloso, pasobra si elimina e suma, ta kita e concientisacion cu cuido no ta gratis. E intencion ta pa elimina abuso den cuido medico y ta pone hende pensa dos biaha prome nan bay pa e cuido cu porta ta innecesario. Si elimina e suma, e ta costa e pais 3.6 biyon euro pa aña.
Preocupa cu e nivel di gobernacion, Hulanda ta ofrece Aruba y Corsou curso pa por goberna miho
ORANJESTAD/WILLEMSTAD – Pa fortifica e poder di gobernacion riba e islanan di Reino Hulandes den Caribe, Universidad di Utrecht y de Haagse Hogeschool ta cbay ofrece un estudio parcial di ‘bestuurskunde’ hunto cu universidadnan di Aruba y Corsou. Asina e portal utoday di Hulanda ta raporta. E gabinete ta preocupa cu e gobierno di Corsou, segun secretario di estado Hulandes Van Huffelen. E ta plan tambe cu e minister Hulandes di Enseñansa Dijkgraaf a trata recientemente durante su bishita na Aruba y Corsou.
Follow NoticiaCla
