Temporada mas activo di horcan pa 2018 pronostica

MIAMI – Pendiente di e prome pronostico oficial pa temporada di horcan 2018 otro siman, expertonan manera Phil Klotzback ta pronostica un temporada 60% mas activo cu normal. Na tur, esaki ta nifica 15 tormenta cu nomber, di cual 7 lo converti den un horcan, y di cual 3 lo ta horcan severo. E temporada di horcan ta inicia 1 di juni y ta caba 30 di November.

MOTIBO

E motibo pa e temporada activo, tin di haber cu biento den Atlantico ta bay ta mas swak cu ta conducivo pa un desaroyo mas fuerte di horcan. Ademas no a anticipa e desaroyo di e fenomeno di El Niño.