Homber a ricibi tiro den pecho na Sabana Basora

SABANA BASORA – Un homber adulto a ricibi un tiro den su pecho dialuna atardi, y a keda trasnporta pa hospital. Vocero suplente di polis Liliana Rasmijn a confirma na prensa cu enberdad Central di polis a ricibi e melding 7 minuut pasa di 4 di atardi, di e tiro. Na caminda pa e sitio, a bin topa un auto cu hendenan halando atencion di e patruya. Den e auto tabatin e victima di e tiro. Ey polis a bin haya un storia, y a mobilisa pa e cas unda cu supuestamente e tiramento a tuma lugar na Sabana Basora Noord. Aki a bin haya un arma, pero no ta conoci unda exactamente e tiramento a tuma lugar, ni con. Autoridad competente tabata na e sitio pa investiga dos diferente version di e storia y pa asina saca afo kico exactamente a sosode, ken a tira, y kico mas a sosode. E victima ta un persona conoci di polis, pero mas informacion no por a suministra di e caso.