Recompensa pa Mericano cu a perde riba crusero caminda pa Corsou

ORANJESTAD – E departamento federal mericano FBI a pone un recompensa di maximo 25 mil dollar pa cualkier tip cu por conduci na informacion di Amy Bradley cu a disparce 20 aña pasa e siman aki. Loke ta haci e noticia aki relevante ta e hecho cu Bradley a perde abordo di un bapor crusero cu tabata na caminda pa Corsou.

E CASO

Bradley (23 aña e tempo ey na 1998) a bay sali pa e club nocturno cu su ruman (e tabata abordo cu henter su famia) pero nunca mas a aparece. Tin ta pensa cu el a cay den laman, of cu un hende por a secuestr’e. Pero nunca mas a tende algo di dje. Awor cu ta recorda 20 aña di su desaparicion, FBI a dicidi di haci un intento mas pa haya Bradley, of informacion riba dje. Potret cortesia Oxygen.