Consulado Venezolano ta muda pero no pa problema di placa

ORANJESTAD – Consulado di Venezuela ta buscando otro localidad, pero no ta pasobra nan ‘lo tin debe habri’. Un aviso cu a aparece dialuna riba facebook informando cu e edificio den cual e consulado ta ubica, ta na huur a hala atencion. U articulo den matutino Bon Dia Aruba cu e consulado lo tin debe atrasa, no ta corecto. Fuentenan di NoticiaCla a confirma cu enberdad e consulado ta buscando otro localidad, pero no ta pa motibo di debe, sino pasobra e lugar ta mucho grandi. Ademas, cu e espacio su particion no ta esun mas adecuado pa nan funcion.

E PROCESO

E proceso cu tin cu pasa aden, ta cu ta busca varios alternativa, pa finalmente e canciyeria Venezolano aproba e cambio, pa despues departamento di relacionan exterior di Aruba a rpoba e ubicacion di e consulado. Tur ta parti di un protocol cu ta existi.

E AVISO

E aviso cu a aparece cu potret di e edificio (por cierto un potret di NoticiaCla), ta bisa cu e edificio completo of parcial ta na huur, y cu ta acepta proposicion serio solamente.