DEN HAAG – E pelea na Arubadag diadomingo a cuminsa despues cu evento a caba! Asina e coordinador di e evento Sidney Kock a informa e portal aki dialuna. Segun Kock, e pelea a cuminsa na momento cu e banda Buleria a termina, esta e evento a caba. “Esey tabata alrededor di 6:50 pm. Arubadag tabata poni pa caba 6or pm, pero nos a haya “green light” di Broodfabriek” pa bai te cu 7or, bou di e condicion cu e musica ta stop 15 minuut prome, esta 6:45 pm” e coordinador a sigui bisa, unda cu mas bien e kier a aclarea e situacion cu a tuma lugar diadomingo atardi.
KICO A SOSODE
Manera cu e portal aki a raporta un dia proime, e comision Arubadag a manda un comunicado informaicon cu nan ta lamenta cu na final di Arubadag a surgi un discusion cu a resulta den un pelea ente dos persona for di e publico. "Instantaneamente e personal di security profesional cu e comision a contrata pa e evento aki a tuma nan responsalbilidad y a atende e indicente aki na un manera profesional cu a evita cu e pelea a bai for di man y tabata tin herido. Esnan cu a cuminsa e pelea a wordo dominana y separa di otro. Hopi rapido e pelea a keda controla" e comunicado a bisa. Mes momento e portal aki a haya informacion di medionan di Hulanda cu ta raporta cu ora cu e pelea a cuminsa, esnan di seguridad a para e evento, pues cu segun e informacion ey, e evento a wordo para pa motibo di e pelea. " Esaki no ta e manera cu e Comision Arubadag kier a mira con Arubadag 2018 a termina. Un dia sumamente exitoso unda un cantidad record di publico a bin De Broodfabriek pa celebra en grande nan dia nacional" ta e parti final di e relato inicial di e comision organisador.
DEN HAAG – Directora di Arubahuis a mr. Joselin Croes a participa na e “Kennismissie” di Minister di OC&W Robbert Dijkgraaf na Curaçao y Aruba. Na Aruba e punto central tabata con educacion ta conecta cu e mercado laboral: e situacion actual, pero principalmente con e demanda di enseñansa ta cuadra cu e necesidad di e mercado laboral.
AMSTERDAM – Rey di Spaña Felipe y Reina Letizia a cuminsa na nan bishita oficial di dos dia na Hulanda. E bishita a cuminsa riba plaza Dam unda cu tabatin tiro di saludo riba e tereno di marina. No a usa municion sino mas bien blanco. E diferencia di e bishita aki ta cu e biaha aki prinses Amalia tambe ta inclui den e bishita. Awe nochi e ta forma parti di e cena Real na honor di e pareha Real Spaño. Amalia tin un relacion special cu Spaña ya cu e la pasa un aña eynan recien debi na motibonan di seguridad pa su bida. Mientrastanto e la bolbe Hulanda pa biba y sigui studia. Pero e situacion di seguridad y menasa contra dje, no a kita ainda.
SCHIPHOL – Decenas di buelo a keda anula dialuna na aeropuerto Schiphol di Hulanda debi na mal tempo. Ta primordialmente buelonan dentro di Europa mes. Buelonan pa Caribe Hulandes manera Aruba no a keda afecta. Ta trata di 90 buelo cu a keda anula, di cual mayoria ta di KLM. Ta spera rafaga di biento fuerte cu posibel mal tempo, segun un vocero di e aeropuerto.
W’STAD/DEN HAAG - Minister Hulandes demishonario di Klima i Energia, Rob Jetten a anunsiá durante un reunion di e komishon fiho di Relashonnan den Reino di parlamento Hulandes ku na 2025 ta organisá e di dos konferensia di klima di reino na Kòrsou. Esaki despues ku e promé konferensia a tuma lugá na mei 2023 na Aruba. El a katalogá e promé konferensia sumamente eksitoso ku partisipashon di diferente pais den region. E ta interesante mirando cu na mei na Aruba Jetten a informa Noticiacla cu e interes pa asuntonan di Clima ta casi nulo, pasobra tin problemanan mas importante cu esey pa atende. Asina mes, ta sigui tene e conferencianan.
DEN HAAG – Negosacionan pa forma gobierno nobo na Hulanda ta continua awe. E lidernan di e 4 partido ta hunto prome biaha cerca e informado. E intencion ta pa logra un acuerdo pa mitar di luna di mei di e aña aki ainda. Pero na final di e combersacion, Geert Wilders di PVV no por a sigura esaki ainda. Partidonan ta hopi positivo pa e progreso, pero ainda no por bisa si ta logra e meta menciona. Algun medio ta bisa cu e combersacionan ta bayendo hopi lento, pero e partidonan ta desmenti esey. E parti financiero ta e parti mas dificil pa atende. Na November di aña pasa tabatin eleccion y a cuminsa negosha. Ya ta bayendo pa 5 luna di formacion.
ORANESTAD - E pasado di sklabitut kolonial di Hulanda i su impakto a forma diferente pais rònt mundu profundamente. Tòg e konosementu ku ta disponibel tokante e pasado di sklabitut kompartí akí ta skirbí partikularmente for di perspektiva kolonial. Pa enrikesé nos perspektiva, minister Dijkgraaf (Enseñansa, Kultura i Siensia) ta inisiá un koperashon global di sientífikonan riba e tópiko akí awe na Aruba. Esei el a anunsiá awe durante un mishon di konosementu den Karibe.