Van Trigt: Heffing di 2.5% lo no tin 'out of control' spiral di gasto

ORANJESTAD – E crisis heffing anuncia diahuebs pa gobierno, no ta bay afecta comercio di un forma asina negativo. Asina presidente di ATIA Ronald van Trigt a bisa NoticiaCla. Segun van Trigt, e situacion di inflacion ta uno hopi abou, y esey ta algo cu ta yuda. A recorda cu recientemente a pasa door di dos ‘heffing’ caba di BAZV, unda cu esaki a bira 2% finalmente y introduci den pasado recien. “E no a crea un inflacion cu a bay fuera di control. Awe nos tin un mesun situacion na Aruba. Nos no tin un inflacion hopi halto, y nos tin awa y coriente baho di control. E heffing aki no ta bay tin como consecuencia cu lo tin un out of control spiral di cost tampoco” van Trigt a bisa. E ta kere si cu e lo bay contribui na mas entrada pa gobierno. Y ta kere cu gobierno por haci bon uso di esey pa yega pa por papia di e transformacion cu nos kier wak, e presidente di ATIA a finalisa bisando.