Strand politie y Visibility team den curso di orientacion riba turismo

ORANJESTAD – Miembronan di Strand politie y Visibility team a cuminsa un curso dialuna ariba orientacion enfoca riba con pa trata e aspecto di turismo miho den nan trabou. E curso Tourism Oriented Policing, organisa pa UCF (University of Central Florida), ta auspicia pa ministerio di husticia, den cooperacion cu Cuerpo Policial y Hospitality Foundation.

“Si tin algo cu nos a para p'e e ultimo añanan, esey ta e inversion den e hende, e ser humano" minister di husticia Arthur Dowers a bisa na inicio di e curso. Segun e mandatario, su Ministerio a realisa cu ora bo inverti mas den e capital humano, na final bo ta haya un miho producto como resultado. "Ora cu bo inverti den hende, bo educa y forma hende, bo tin un mehoracion grandi di calidad. E curso ta dura henter siman.