Wever-Croes a anuncia plan di urgencia multifrontal

ORANJESTAD – Gobierno a anuncia un plan di urgencia multifrontal cu meta pa coregi rumbo negativo, evita KB, y segura progreso. E intencion ta pa por ‘spaar’ 126 miyon florin. Mes momento premier Wever a bisa cu e medidanan aki no ta logra sinembargo yega na e norma stipula segun ley di Laft, pero sigur no ta bay tin un debe mas grandi cu e aña anterior. E promesa ey a haci na CAFT, y CAFT a mustra cu e ta un paso den bon direccion. Loke ta pidi di comunidad, no ta facil pero necesario. Ta hala faha mara, pero ta duna compensacion na esnan mas vulnerable. Entre e medidanan, a anuncia aumento riba accijns, introduccion di un ‘crisisheffing’ cu ta un aumento di BBO/BAZV. Pero tambe a atende compensacion pa esnan di menos recurso. Keda pendiente pa mas informacion.