Bateria a explota den oficina di security na aeropuerto

ORANJESTAD - Un bateria a explota den e oficina di seguridad na aeropuerto, conoci como Charlie Charlie y tabata saca huma. Vocero di aeropuerto Hendrik Croes a confirma cu a yamam bombero pa e situacion y a scohe pa evacua personal di oficinanan di aeropuerto (AAA) como precaucion te ora e situacion ta normalisa bek y hanja ok di bombero pa bay bek paden. “ Ta bezig ta check si tin mas area afecta pa wak si mester evacua mas parti di airport” Croes a sigui bisa. Ambulance tambe tabata na e sitio si en caso tin hende cu mester asistencia medico. “ Lo dura aproximadamente 1 ora pa tur cos normalisa. Ta bezig ta ventilando e area di oficina y yegada. Niun otro area a wordo afecta” Croes a finalisa bisando.