Rumannan Laclé ta completa jornada internacional riba bicicleta di un aña

BANGKOK/ORANJESTAD – Despues di casi un aña pasa cu nan a inicia nan biahe riba bicicleta, e rumanan William y Jaillen Laclé hunto cu Mishally wever, a termina nan gira mundial riba bicicleta, yegando Bangkok. E intencion ta pa nan jornada querda registra pa Guiness Book of World Records, como e recorido mas largo riba un bicicleta. E portal di deporte 297 sports a sigui nan jornada completo y a haci un raporta, di cual NoticiaCla ta comparti partinan, cortesia pa e portal di deporte.

E JORNADA

E dia 3 di April 2017 e dos rumannan a sali for di Den Haag, Hulanda rumbo pa e Singapore. E calculacion di e trip aki lo mester a dura mas o menos 1 aña pa 13 luna. E rumannan Laclé cu a bira conoci riba media social como Laclebrothers a cruza varios frontera y a pasa den paisnan manera Alemania, Austria, Hungria, Servie, Romania, Bulgaria, Turkia, Iran, Turkmenistan, Uzbekistan, Tadjikistan, Kyrgyzstan, Vietnam, Laos, Thailand y Malaysia pa despues yega Singapore, pa despues bay bek Thailand unda a topa nan mayornan. E recorido di un aña sigur no tabata facil. Ta hopi obstaculo momentonan duro pero sigur tambe experencianan inolvidable nan a pasa aden. Bunita sigur tabata e bandera di Aruba cu sin duda a bira famoso den e recorido aki. Tur caminda e bandera di Aruba a aparece, den corant, revista, pa no papia mes riba website y medianan social.

Fuente/fotos : laclebrothers y 297 sports