Chicago Sun Times: Jerrick Francees e prome Arubiano pa firma cu Chicago White Sox

CHICAGO/ ORANJESTAD – Prensa Mericano ta considera e firmamento di e Arubiano Jerrick Francees pa e ekipo di Chicago White Sox, como algo ‘raro’. E corant di Chicago, Sun Times a relata di e caso aki. E motibo ta algo interesante y positivo, pasobra nan ta considera esaki algo ‘raro’ ya cu e ta bira e prome Arubiano cu a firma un asina yama ‘IFA deal’ cu e organisacion Mericano. Francees a firma dia 16 di maart ultimo na Aruba dilanti su mayornan y amigo y familiarnan. Prome cu Francees, Andruw Jones tabata e prome persona naci den Reino Hulandes cu a firma y hunga cu White Sox. Fuente Chicago Sun Times. Potret cortesia Facebook page di Joel Francees.