Siman di Speciabilities a inicia na Aruba

ORANJESTAD - Un grupo di persona special a marcha bin Bestuurskantoor dialuna atardi y entrega un plakaat pa prome minister Evelyn Wever Croes. Gobierno di Aruba a declara e siman aki siman di Speciabilities. Un siman cu nos ta concentra tur atencion riba nos hendenan special. Na Aruba nos tin un caminda largo ainda pa cana pa duna nos hendenan special e atencion cu nan merece y nos Gobierno ta compromete pa haci esaki. Wever a splica cu gobierno kier enfoca riba inclusion den tur forma. Inclusion den enseñansa y ‘opvang’ pa nos muchanan special, un scol di ofishi pa nos muchanan special, enfoca riba oportunidadnan riba mercado laboral, y riba tereno social y riba posibilidad pa vivienda. Wever-Croes na final a pidi nos comunidad pa e siman aki, nos tur hunto ban demostra mundo henter cu nos na Aruba ta stima y balora nos hendenan special, pasobra nan tambe ta conta.