Corsou ta frustra muhernan Venezolano den welga di hamber, asistencia hudicial

WILLEMSTAD – E ocho muhernan Venezolano cu a cuminsa un welga di hamber den prison SDKK, no por haya asistencia huridico. Asina periodista Dick Drayer (Persbureau Curacao) ta raporta. Segun e raporta, awe mainta e abogadonan Parris y Scheperboer a purba bishita nan clientenan, pero e abogadonan no a wordo permiti pa drenta cerca nan clientenan. Segun e abogadonan, asina ta bira dificil pa defende e clientenan. E muhernan a bay den welga di hamber pa protesta e decision pa deporta nan bek pa Venezuela. Nan ta pidiendo dispensacion temporal.

MINISTER

Minister di husticia Quincy Girigorie a nenga pa contesta prensa riba e caso aki segun Drayer. (Pais) Corsou su punto di salida ta cu ta trata aki di refugiadonan economico, cu no tin derecho pa haya trato di refugiado. Girigorie a bisa tambe anteriormente di lo no duna oido na e peticion di UNHCR pa no debolbe Venezolanonan, sino pa tuma nan como refugiado. Ta trata di e siguiente muhernan.

1. Luz Mercedes Sayago Hernandez, 5-9-1990 di Caracas, Venezuela

2. Francesca Davila Lopez, 4-8-1989 di Barinas

. yiu Natalia F. Garcia Davila, 20-2-2011

3. Victor Manuel Davila Lopez, 16-01-1998 di Barinas

4. Roxani Isabel Salas, 24-03-1986 di Coro

5. Nelly Karina Ariad Ventura, 2-8-1980 di Punto Fijo

6. Yulimar Colina, 3-7-1972 di Punto Fijo

7. Emely Alejandra Pina, 20-8-1996 di Coro

8. Betzaida Yoely Campo, 6-10-1986, di Coro

9. Natalia Maria Saabedra Colina, 27-10-1986, di Coro

Raportahe y fotos cu colaboracion di Dick Drayer/Persbureau Curacao