- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
CFT: Presupuesto 2014 irealistico pasobra no a ‘implementa’ medidanan ‘anuncia’
ORANJESTAD – Segun e rapport di secretariado di College Financieel Toezicht, e presupuesto 2014 no ta realistico. E motibo di esaki ta cu hopi medida tuma pa 2014, sea realmente no a wordo implementa, of cu tin retrasonan cu a pone cu e esaki no a wordo implementa. Tur esaki ta causa un aumento y menasa di por a spaar den gasto. “Presupuesto 2014 pues no ta realistico” e rapport ta sigui bisa.
E plan pa spaar riba esnan cu ta ricibi onderstand, esta door di pone na bira activo atrobe, no a duna resultado positivo. “Como tal e sparmento den pago di subsidio y transferencia di 4 miyon segun poni den presupuesto 2014, no ta realistico”. Tambe CFT ta mustra cu e restructuracion financiero di Arubus lo no genera e 2.8 miyon na sparmento, debi cu tin un escases den medionan di inversion. Den caso di e gastonan di personal, e reduccion di pago di overtime, esaki ta genera 1.5 menos cu a wordo presupuesta.
Den caso di AZV su mehoracion di fondo, tambe cosnan no a bay bon. E bestemmingsbelasting di 1% cu mester a drenta na vigor 1 september, no a tuma lugar cu ta pone cu a faya cu 20 miyon pa 2014. E hecho cu e ta cay laat, ta pone cu ta perde di spaar 5 miyon cu esey. E calculacion di Directie Financien pa loke ta deficit di AZV pa 2014, di 16.6 miyon, por aumenta te na 23.3 miyon awor. Y teniendo cuenta cu pa ley, gobierno ta obliga di pone placa pa cubri e deficit, mester tene cuenta cu e gastonan ‘extra aki’
Den e presupuesto a tene cuenta cu un reduccion di 4.5 miyon den menos gasto basa riba e regla di eficiencia. Te cu awe, nada di esaki no a sosode segun CFT. No por bisa nada tampoco riba e otro asina yama ‘reduccion di gasto’ den p.e reduccion di hendenan cu ta non actief, reduccion di presupuesto di companianan estatal, subsidio pa institutonan y e independisacion di departamento maritimo. No por deduci si esaki a wordo ‘incorpora den e presupuesto’. Como tal, e aumento substancial di e deficit presupuestario ta subi di 4.9% te na 9.3%.