Polis ta gara y detene atracador di beautysalon na San Nicolas

ORANJESTAD - Awe diasabra pa mas o menos 1or di merdia central di polis a haya un yamada cu un rato paso un atraco a tuma lugar na un beauty salon na Caya Charliebrown na San Nicolaas . Patruya ta bai di biaha na e sitio di e sucedido. Eynan ta haya e descripcion di e atracador . Ta trata di un homber halto bisti den t-shirt blanco y boxer y tabata tin un cuchiu . E la bai cu e placa di dia y a huy na pia . Ta manda Atraco Team , BFTO y tambe slachtofferhulp na e sitio di e sucedido. Un rato despues central di polis ta haya un yamada cu tin un persona sospecho den cura na Sint Maartenstraat. Ta duna e descripcion di e homber y e ta cuadra cu e sospechoso cu a atraca un rato prome na e beauty salon. Patruya di San Nicolaas ta yega di biaha ne adres y ta detene e sospechoso di e atraco y cu ta un conoci di polis.