Mericano supuestamente envolvi den caso Holloway, ta haya su morto

SARASOTA – E homber cu a pretende di a dera restonan di Natalee Holloway, a wordo hinca mata na Florida. Ta trata di e hober John Christopher Ludwick, cu a muri diaranson mainta na un hospital di Sarasota County, despues di a wordo hinca pa un cuchio pa un dama cu e tabata conoce. E hombe r tabata purba di secuestra e victima di 32 aña ora cu e dama tabata saliendo di su auto. E sigui un bringamento unda cu Ludwick a keda hinca.

HOLLOWAY

Tabata menos cu un aña pasa cu Ludwick a discuti su papel den e ‘morto’ di Holloway na 2005. Ludkwick a bisa cu Joran vd Sloot (sospechoso di e desaparicion/morto di Holloway) a pague $1500 na 2010 pa saca Holloway di unda e tabata dera, pa despues cremeer e restonan na un punto cu no por a reconoce nada. Asina Ludwick a bisa den un programa di television aña pasa. Ni Ludwick ni vd Sloot a keda sospecha y acusa di e incidente pasobra no tabatin suficiente informacion pa sostene e acusacion. Despues a resulta cu e wesonan cu Ludwick a dera, no tabata humano. Potret cortesia Huffington Post. Ludwig ta esun banda robez di e potret hunto cu Joran vd Sloot.