Aruba Karate Bond a invita asosacionan pa reunion y calendario di actividad 2018

Aruba Karate Bond a invita asosacionan pa reunion y calendario di actividad 2018

Posted on 03/14/2018 10:32 am AST | Updated on 03/14/2018 10:33 am AST

ORANJESTAD – Directiva di Aruba Karate Bond a invita asociacionnan miembro (oficial y condicional) pa un reunion general cu ta tuma luga riba diabierna 16 di maart 2018 pa 8 or di anochi na Centro Deportivo Betico Croes. Meta di e reunion aki ta pa tur miembro haya informacion -entre otro- tocante e calendario di actividad di 2018.

Na mes momento, ta haci uzo di e oportunidad aki pa extende un invitacion pa e 1e campeonato di 2018 cual ta tuma luga riba diadomingo 25 di maart 2018 pa 9 or di mainta den Compleho Deportivo Frans Figaroa na Noord. Tur karateka ta bon bini pa participa tanto den categoria ‘kata’ y ‘kumite’. Manera semper lo cuminsa for di e mas chikitonan (‘rambuho’) te cu e mas grandinan.

Aruba Karate Bond ta spera di conta cu e participacion di un y tur pa asina engrandece karate na Aruba. Un invitacion special ta bay tambe pa mayornan, famia y amigonan pa bin presencia e campeonato y asina apoya tur e muchanan. Pa mas informacion tocante e campeonato, por email Aruba Karate Bond na karatebondaruba@gmail.com of yama 7370058 (Sensei Felix Tromp) of 5932002 (sen?ora Janina Werleman).

  • Aruba Center Little League a gana North League y bira campeon invicto

    Aruba Center Little League a gana North League y bira campeon invicto

    ORANJESTAD - Dos siman pasa Aruba a mira un tremendo serie di baseball di Aruba Little League unda nos a haya e finalnan den e divisionnan di Junior y Senior unda Aruba Center League(Junior) y Aruba North League(Senior) a logra e titulo di campeon. Den e weekend tras di lomba a hunga e gran final den e division di Little League(Mayor) cu a bay entre e fuerte ekiponan di Aruba Center y Aruba North Little League. Un serie cu sigur henter fanatico di baseball tabata spera riba dje. Den e ronda preliminar, e ekipo di Center a demostra su superioridad ganado tur nan weganan. 

  • Arubiano Denzel Dumfries ta firma cu PSV pa 5.5 miyon euro

    Arubiano Denzel Dumfries ta firma cu PSV pa 5.5 miyon euro

    EINDHOVEN - Ex seleccionado di Aruba, Denzel Dumfries a bay e gigantenan di PSV pa un suma di 5,5 miyon euro te cu 2023. Ya caba e la pasa su control medico. Denzel a hunga e ultimo temporada cu SC Heerenveen. Potret cortesia PSV

  • Prome transmision di futbol Rusia 2018 a cuminsa awe na SETAR Sero Blanco

    Prome transmision di futbol Rusia 2018 a cuminsa awe na SETAR Sero Blanco

    ORANJESTAD - Awe mainta tempran Telearuba a transmiti FIFA Copa Mundial Rusia 2018 ta “live” na oficina di SETAR na Seroe Blanco. E weganan ta andando te cu e ultimo wega awe tardi Portugal Spaña. Amantenan di Futbol Mundial Russia por sigui SETAR su Facebook pa mas informacion. E proximo transmisionnan LIVE na SETAR Sero Blanco lo ta dianan 22 y 28 di juni 2018 y dia 11 di juli cu e weganan semifinal. SETAR ta recorda tur hende riba e campaña di Russia 2018 special pa tur cliente di SETAR Complete ta participa pa gana un SmartTV. Durante e transmision diahuebs dia 28 di juni lo anuncia e 3 ganadornan. Si ta desea di sa mas di SETAR Complete por tuma contacto na telefon 525-1702.

  • Prome wega di FIFA World Cup 2018 presenta den gran forma

    Prome wega di FIFA World Cup 2018 presenta den gran forma

    ORANJESTAD - Diahuebs mainta a inicia FIFA World Cup 2018 y Telearuba a transmiti en BIBO e prome wega entre Rusia y Saudi Arabia for di e cantina di Aruba Bank. Tanto Aruba Bank como tambe Telearuba ta masha contento di por a trece e prome wega pa pueblo di Aruba via television y cu naracion na papiamento.

  • SETAR cu transmision na SETAR Seroe Blanco pa Rusia 2018

    SETAR cu transmision na SETAR Seroe Blanco pa Rusia 2018

    ORANJESTAD - SETAR, como sponsor principal di FIFA Copa Mundial Rusia 2018, ta invita un y tur pa bishita SETAR Seroe Blanco durante e transmision di Telearuba diabierna dia 15 di juni y 22 di juni 2018 cuminsando for di 8’or di mainta en adelante. Tambe diahuebs dia 28 di juni for di 10’or di mainta y diaranson dia 11 di juli pa 2’or di merdia.

  • Aruba Growth Fund su miembronan a participa den KLM Aruba Marathon

    Aruba Growth Fund su miembronan a participa den KLM Aruba Marathon

    ORANJESTAD – E grupo mas grandi dentro di e prome edicion di KLM Marathon, diadomingo mainta 3 di juni, cu comienzo y final na Palm Beach, a pertenece na e grupo di Aruba Growth Fund. E grupo a consisti di 170 colega, cu a participa den tur categoria y a logra resultado impresionante.

  • Powered by SETAR