Oduber: Hospital nobo ta 110 ‘overbudget’ y a lubida varios cos

Oduber: Hospital nobo ta 110 ‘overbudget’ y a lubida varios cos

Posted on 03/12/2018 4:21 pm AST | Updated on 03/12/2018 4:22 pm AST

ORANJESTAD – E presupuesto di e proyecto di hospital nobo a surpasa 110 miyon caba. Asina minister di salud Dangui Oduber a confirma dialuna mainta durante un conferencia di prensa. Fuera di esaki, tin un cantidad di cos cu a y ta bayendo malo. Entre nan, por corda esun mas conoci, cu ta e hecho cu no a inclui un sala di operacion nobo. Pero awor ta sali na cla cu a lubida e parti di intensive care, medium care, parti di microbiologia, y no a integra e sistema di candela. “Consecuencia ta cu e pueblo tin cu bay paga mas pe.

CARTA

Oduber a splica cu basa riba esaki, a manda un carta pa e compania principal di construccion, Areano, pa atende cu e problemanan, y esun mas recien cu ta e problema di diesel. E ta un problema unda cu holo di diesel ta pasa den e edificio y ta haci e personal malo. Tabatin (segun Oduber) te hasta momento cu mester a cancela operacionnan pa motibo di e holo di diesel aki. E mandatario a sigura cu a reuni cu tur hende, SOGA, Hospital, y contratista. Y a bisa cu ta bay sinta cu nan un biaha mas. “Ta inaceptable pa gobierno cu trahadornan ta traha den un condicion inaceptable.

 

 

  • Partido AVP ta entama caso sumario contra gobierno

    Partido AVP ta entama caso sumario contra gobierno

    ORANJESTAD – Partido AVP ta hiba gobierno di Aruba corte. Miembro y partido y parlamentario pa e partido berde Richard Arends a confirma esaki pa NoticiaCla. Segun Arends, e motibo ta cu gobierno a prohibi nan di tene un actividad den un di e MFA otro siman diamars. E partido ta mustra cu ta e siman aki mes a firma contract y paga pa e uso di e lugar (MFA Noord), pa un dia despues nan bin tende di e manager di e lugar cu no por tene e evento eynan, pasobra ‘e ta un evento politico’. E partido ta considera esaki sensura, persecucion politico y un medida contra e partido. Nan ta mustra cu recientemente partido RED a tene un evento na e MFA na Paradera, y partido RAIZ tambe a tene un lectura den un di nan. Pues diripiente AVP no por tene un evento eyden. Como tal, a duna abogado instruccion pa entama un caso sumario (mirando e tempo urgente) pa wak si ainda otro siman diamars por tene e evento. Ta trata di evento pa informa pueblo riba e medidanan cu gobierno ta bay tuma entrante 1 di juli. Intento pa haya reaccion di prome minister Evelyn Wever riba e tema, ainda no tabata exitoso.

  • Oduber: Directiva Parke Arikok a haci intento di ‘coup’

    Oduber: Directiva Parke Arikok a haci intento di ‘coup’

    ORANJESTAD – Desde awe mainta Parke Arikok ta manera un barco sin timon. E director di e parke Natasha Silva mes a confirma esaki awe mainta den un carta na e minister encarga Otmar Oduber. E directiva di 4 persona, manera ta conoci caba, a entrega su retiro ‘en bloc’ per direct un dia prome y awe mainta Oduber a reacciona yamando e asunto un ‘coup’ di e directiva, durante un conferencia di prensa. Silva mientrastanto awe mainta a pidi intermediacion di e minister pa por resolve e situacion urgente aki.

  • Proyecto di renobacion di e pier dilanti Riu Antillas ta cla

    Proyecto di renobacion di e pier dilanti Riu Antillas ta cla

    ORANJESTAD – E pier dilanti Riu Antillas a keda completamente renoba. Manera por corda e pier aki tabata den un mal estado, den deteriora y peligroso pa haci uso di dje. E toren manera e ta ser yama den boca di pueblo, ta safe un biaha mas pa uza. Hopi ta nos hendenan local pero tambe e turistanan cu ta haci uso di e toren aki. E proyecto aki a wordo realisa door di un “Public-Private Partnership” conhuntamente cu gerente general di Riu Antillas. “ Di e manera aki Gobierno y sector priva ta traha hunto pa mehora e producto Aruba y den e caso aki sector priva a mustra disponibilidad pa cubri e inversion aki”, gobierno a informa pa medio di un comunicado.

  • Casi 20 edificio di gobierno para bashi sin uso pa nan

    Casi 20 edificio di gobierno para bashi sin uso pa nan

    ORANJESTAD - Actualmente tin un lista di casi 20 edificio di Gobierno cu no ta den uso. For di ministerio di infrastructura, NoticiaCla a compronde cu departamentonan DOW y DIP a hinca un plan den otro awor pa mira kico por wordo haci cu e edificionan aki. Siguientemente lo papia cu cada Ministerio y lo fiha un lista di prioridad considerando cu ta trata mas di 15 mil meter cuadra di propiedad/edificio di Gobierno cu no ta den uso na e momentonan aki.

  • Plataforma di DTP y polis lo combati taxi piratanan

    Plataforma di DTP y polis lo combati taxi piratanan

    ORANJESTAD - Recientemente Minister Chris Romero y su colega di Husticia, Andin Bikker, a reuni cu Departamento di Transporte Publico y Cuerpo Policial pa trata e problematica di taxi pirata. E reunion aki tabatin como meta pa mediante dialogo di ambos Minister y nan departamentonan concerni, crea un maneho mas efectivo y eficiente pa logra combati e problematica aki.

  • Gobierno di Aruba ta sigur cu nan ta prepara pa e temporada di horcan

    Gobierno di Aruba ta sigur cu nan ta prepara pa e temporada di horcan

    ORANJESTAD - Den cuadra di temporada di horcan, Minister President Evelyn Wever-Croes dialuna mainta a reuni cu miembronan di Beleidsteam na Rampenbureau. Esaki ta e organo mas halto ora ta trata calamidad. E Beleidsteam tin un plan di calamidad cu ta inclui Training HUREX 2018. E aña aki ta spera un temporada di horcan average, pues ni hopi ni poco horcan.

  • COMPRA
  • Powered by SETAR