Minister ta raporta negoshi interno lucrativo cu bakinan comercial di Serlimar

ORANJESTAD – Por lo menos 8 miyon florin retene di trahadornan di Serlimar, no a keda traspasa pa gobierno pa e.o. AZV, pensioen y loonbelasting. Segun e mandatario, loke a tuma lugar ta cu debi na e ‘doorlichting’ (investigacion administrativo) tumando lugar, a bin saca afo cu e placa a keda miyon di placa a wordo tuma, wanta y no traspasa pa gobierno. Ademas tabatin negoshi di baki di Serlimar, sin cu e placa tabata drenta e compania. 

CONTRACT

Pa loke ta contract, a compronde cu tin varios cu no tabata cumpli cu bon gobernacion. Por papia entre otro di compra di material, y ‘haci cos’ pa beneficia cierto hende. Ademas tabatin practica illegal den e compania, cu a keda descubri. Asina minister di medio ambiente responsabel pa Serlimar, Otmar Oduber a bisa den un conferencia di prensa dialuna mainta.

BAKI

Pa loke ta e placa. Ademas e mandatario a confirma cu den fin di siman tabatin varios accion di Serlimar, pa colecta bakinan cu no tabata pertenece na cierto negoshinan. E mandatario a sigura cu a para esaki. Den mesun rosea tabatin cantidad di bari comercial, (riba cuater wiel) cu mester tin un contract pe, di cual tabatin un cantidad ta wordo uza. Problema ta cu nunca tabatin un contract cu Serlimar, pues e placa no a drenta nunca di esaki. “Cierto momento a haya invoice cu logo di Serlimar pero e number no ta aparece den Serlimar” Oduber a sigui bisa. “Comunidad por ta tranquil cu no tin ningun accion contra ciudadanonan. No ta bay recoge baki di sushi na cas di hende” Oduber a finaliza bisando.