Oduber: Plan ta pa otorga entre 500 pa 600 tereno pa aña

ORANJESTAD – Pa medio di un campaña di DOW y DIP, pueblo lo haya sa con pa bin na remarke pa un tereno pa traha cas. Asina minister di infrastructura Otmar Oduber a informa dialuna mainta. E informacion anterior cu ‘no tin tereno mas’ y/of cu tin scarsedad di tereno, no ta cuadra cu berdad. E motibo cu ‘no tin tereno’ ta pa falta di creatividad y mal maneho di tereno.

TERENO

A nota cu tin forma pa yega na un tereno, y cu un bon maneho, lo por yega na otorga entre 500 pa 600 tereno na comunidad, y pa FCCA traha entre 200 pa 250 cas social pa aña. Pa esey, ta ranca sali un campaña di concientiza pa maneha tereno na Aruba den un forma integra. Ta un proceso. Na un forma organisa DLV y DOW tin un maneho nobo a cuminsa funciona, kico nan derecho ta.

TERMINO

Ora cu un persona haya un carta pa yega na remarca pa traha un cas, e ta na altura di e exigencia den un termino hopi cortico, pero cu hende por logra e termino si djis sigui e paso. E intencion ta pa e luna di mei of juni, DIP por tin e lista di peticion ‘bij’ cu e proceso di ‘verschoning’ di e lista, for di añanan 80 te aña 2000. E mandatario a admiti pues cu ta debi na falta di creatividad, y mal planificacion, tabata bisa cu no tin tereno. Pero segun Oduber, tin suficiente forma pa logra pa hende haya tereno, y tambe crea e.o. woonwijken, pues tin tereno contal bo hacie di un forma ‘sabi’.