Aeroliña Dominicano Air Century a haya permiso pa bula pa Aruba

SANTO DOMINGO – E aerolinea Dominicano Air Century a haya permiso pa bula pa Aruba proximamente. Asina e portal Aviator ta raporta. Ta durante un raportahe di expansion di itinerario pa Puerto Rico, cu e anuncio a bin. E compania a anuncia cu nan a adkeri dos avion nobo tipo Bombardier CRJ200 di 50 stul, pero no ta informa si esey ta e tipo di avion cu lo usa pa e ruta Republica Dominicano pa Aruba. Nan tin e ekipo Saab 340B tambe cu 34 stul. Ta e CEO di e compania Capital Omar Chahin a anuncia cu nan a ricibi autorizacion pa cuminsa opera for di Santo Domingo pa Corsou, Aruba y St Maarten. Potret cortesia Dominican Times.