Grupo Lopesan interesa pa traha hotel na Aruba tambe

BERLIN/ORANJESTAD – E grupo hotelero di Islas Canarios, esta Grupo Lopesan ta interesa pa traha hotel na Aruba. Esaki nan a bisa e siman aki durante e bolsa di turismo grandi ITB na Berlin. Nan a anuncia un inversion id 410 miyon dollar pa consolida nan presencia na Republica Dominicano. Mexico ta sigui, y despues nan tin bista riba Turks & Caicos y Aruba.

REPUBLICA DOMINICANO

Na Republica Dominicano nan tin e hotel IFA Bávaro di 652 camber y ta proyectando un resort macro na Punta Cana di casi 2.500 camber, cu ta un inversion di 410 miyon dollar y 2 aña di construccion. Riba esun di Aruba no tin mucho mas informacion pero si cu nan ta hopi interesa pa establece nan mes riba nos isla. No ta conoci si nan a haci contacto caba cu Aruba pa busca tereno y of tin intencion di tuma un hotel exitente over.