Gobernador Boekhoudt: Aruba Doet ta laga nos isla comunica bek cu otro

ORANJESTAD – Su excelencia Gobernador Alfonso Boekhoudt ta aplaudi e evento di Aruba Doet, e evento di trabou voluntario mas grandi na Aruba. “Den e forma aki un proyecto ta wordo brinda na un gran parti di nos comunidad pa asina nos por siña keda duna” Boekhoudt a bisa. Segun e gobernador, Aruba Doet a bisa un simbolo pa no cansa di haci bon. “Aruba Doet ta pone nos tur den e posicion pa tur aña di nobo, nos haci bon pa otro”. Ora cu nos duna, nos ta bira feliz. “Ora cu bo duna, bo ta biba mas largo tambe” e gobernador a bisa, refiriendo na investigacionnan haci. “E ta bon pa bo salud. Ora cu bo ta den movecion, e ta yudabo”. Gobernador a referi tambe na su discurso di Pasco, unda cu el a mustra su preocupacion pa e hecho cu nos ta hopi ‘desconecta’. “Mi ta haya cu nos mester comunicado bek cu otro. Esaki ta un di e proyectonan cu ta conecta Aruba cu otro den un forma hopi grandi mes”, e mandatario a finalisa bisando.