Bijleveld: Preocupa cu Venezuela pero no ta menasa pa ABC

WILLEMSTAD – No tin menaza di militarnan Venezolano pa cu islanan ABC. Asina e portal Curacao Chronicle ta raporta di e bishita cortico di e minister Hulandes di defensa Ank Bijleveld na Corsou diahuebs. E mandatario a mustra preocupacion pa cu e situacion na pais bisiña, pero no cu e ta un menaza pa e islanan. Mes momento Bijleveld a bisa cu e militarnan Hulandes ta cla en caso si mester cuminsa ricibi refugiadonan, si Corsou pidi esaki, aunke pa e tip di asistencia aki no mester pidi Den Haag permiso mas. E mandatario Hulandes mientrastanto ta na Aruba diabierna.