Empleadonan di Riu Palace Aruba feliz cu nan cafeteria nobo

Posted on 03/7/2018 9:27 pm AST | Updated on 03/7/2018 9:27 pm AST

ORANJESTAD - Riu Palace Aruba a renoba e cafeteria di empleadonan y despues di tur trabou haci, tur empleado por a mira nan bunita cafeteria nobo. Dia 5 di Maart 2018 Riu Palace Aruba a tene e apertura di e cafeteria nobo p’e empleadonan.

E empleadonan tabata warda pafo ansioso pa por a drenta den e cafeteria nobo y renoba, unda cu e gerencia di Riu Palace Aruba a duna nan bon bini cu blaas y Mariachi Perla Aruba. Nan tabata feliz di a mira e imagen nobo di e cafeteria, cual ta un area unda nan por sinta, come y relaha durante nan descanso. Un di e cosnan cu a yama nan atencion tabata e diferente potret preto cu blanco di empleadonan di Riu Palace Aruba, pero tambe potretnan di hotel.

E empleadonan di Riu Palace Aruba a gradici gerencia pa nan cafeteria nobo y renoba. Nan tabata contento di tin un bunita luga pa come. Riu Palace Aruba tabata contento di por a mira cu e empleadonan tabata feliz y ansioso cu nan cafeteria nobo y renoba.

  • Nos grandinan a demostra nan talento tur cu tin durante Arte di Palabra +

    Nos grandinan a demostra nan talento tur cu tin durante Arte di Palabra +

    ORANJESTAD - E team cu ta consisti di: Grupo Nucleo, Fundacion Lanta Papiamento, OPPA, Departamento di Cultura y Departamento Social a hinca un tremendo programa den otro y cu a caba na e ora stipula. E participantenan a engrandece Papiamento, declamando poema of contando un storia.

  • Edsel Lopez a bira presidente di Rotary Club of Aruba

    Edsel Lopez a bira presidente di Rotary Club of Aruba

    ORANJESTAD - Diasabra Rotary Club of Aruba a presenta nan directiva 2018-2019. Durante un anochi ameno di Alhambra ballroom e publico presente a sera conoci cu e miembronan di e directiva nobo. Sr Edsel Lopez a keda apunta come e presidente 2018-2019 y e miembronan di e directiva a keda como lo sigiente: Shelby Maduro (secretaria), Emilie Arends (tesorero), Gerardo Oduber (presidente saliente), America Barrios (vice presidente), Luis Oduber (relacionista publico), Dave Coenen (miembrecia), Danilo Werleman (projectonan), Henry van den Berg (Fundacion Rotary) y Sheba Sookoo (sergeant at arms). Durante su presentacion Edsel Lopez a trece dilanti cu e tema di e aña Rotaria 2018-2019 ta 'Be the Inspiration' y el a bisa di ta pone su enfoke riba e papel inspirativo cu Rotary ta hunga den nos comunidad. Pa splica esaki mihor Edsel Lopez a haci un comparacion cu un spiel. Un spiel ta refleha e mundo rond di nos y ta refleha e berdad. Hopi bes hendenan ta busca inspiracion tur rond di nan, lubidando di wak den spiel y wak nan mes. No mester wak leu pa busca inspiracion, nos mes por ta un inspiracion pa nos mes pero tambe pa comunidad. Edsel Lopez a sigui bisa cu e aña rotaria aki e lo kier enfoca riba e derechonan di nos muchanan. Mirando e desaroyonan ultimo tempo riba nos isla y den nos comunidad, e topico di derechonan di mucha ta keda bin dilanti. Den e decreto di Derechonan Universal di Mucha tin un articulo en particular cu a capta su atencion cual ta articulo 19. Articulo 19 en corto ta ensera cu mester percura pa proteha muchanan contra tur clase di abuso manera prehuicio, abuso fisico, abuso mental, negligencia, mal trato y explotacion, incluyendo abuso sexual, mientras nan ta bou custodia di un adulto. Medidanan di precaucion lo por ta programanan social cu e meta pa duna e mucha y tambe esnan cu tin cu cuid'e, e ayudo necesario y tambe yuda den e aspecto di prevencion y guia. Refleccionando bek riba e caso di e dos muchanan cu a perde nan bida inocentemente aña pasa y tambe e situacion social riba nos pais, Edsel Lopez a bisa di lo dedica su trabou durante 2018-2019, particularmente na nos muchanan pero sigur sin lubida nos grandinan y esnan den necesidad den nos comunidad.

  • Haya ticket pa Aruba Summer Music Festival cumprando Chill

    Haya ticket pa Aruba Summer Music Festival cumprando Chill

    (ADVERTORIAL)

  • Famia a celebra e cumpleaños di señora mas bieu di Aruba

    Famia a celebra e cumpleaños di señora mas bieu di Aruba

    ORANJESTAD -Pa hopi hende yega e edad di 100 aña ta un bendicion y aki na Aruba nos tin Maria “Mai” Anette Maduro-Lampe cu recientemente a yega e bunita edad di 109 aña. Pa famia Maduro y Lampe esaki tabata un bendicion, unda cu e famia a bini hunto y celebra e dia. Mai Maduro-Lampe ta e señora di mas bieu aki na Aruba y e famia ta contento y bendiciona pa tin nan mama, tanta, wela y bisawela hunto cu nan.

  • Marlon Wayans y otronan a briya durante Comedy Night di SBMF

    Marlon Wayans y otronan a briya durante Comedy Night di SBMF

    ORANJESTAD – E prome anochi di Soul Beach Music Festival 2018 manera custumber a cuminsa cu e anochi di comedia (comedy), na Renaissance Festival Plaza. E aña aki artistanan comediante tabata e.o. Buddy Lewis, Sydney Castillo, e MC Rudy Rush y e artista comediante principal Marlon Wayans di e famia popular di comediante manera Damon, Kim, y Shawn y nan ruman grandi Keenan Ivory Wayans. Y manera semper nan no a defrauda y sigur no e acto principal Marlon. Diasabra y diadomingo tabata reserva pa e anochinan musical cu artistanan principal Alicia Keys y Maxwell na Harbour Arena

  • Proyecto Ban Cultiva a presenta prome ‘Bario Fest’ diasabra

    Proyecto Ban Cultiva a presenta prome ‘Bario Fest’ diasabra

    ORANJESTAD – Diasabra atardi e proyecto Ban Cultiva a tene nan prome evento Bario Fest y esaki tabata na Centro di Bario Tanki Leendert. E intencion tabata pa uni varios departamento hunto, pa asina e bishitantenan tin un bista di tur loke ta sosode na Aruba riba varios tereno. Por a nota presencia di standnan cultural, DPL, di Salud, EPI, y asina tabatin un sin fin di stand cu hopi informacion. E dos mandatarionan Rudy Lampe y Dangui Oduber a duna acto di presencia den oranan di atardi, y durante nan bishita, a check nan estado di salud. Mester bisa cu ambos a haya un ‘clean bill of health’. E proximo edicion ta na fin di juli proximo, den un otro districto.

  • Powered by SETAR