Cruz Cora ta entrega 500,000 cuminda na muchanan di St Maarten afecta pa horcan

Posted on 03/7/2018 11:05 am AST | Updated on 03/7/2018 11:06 am AST

ST. MAARTEN (SIMPSON BAY)? Seis luna despues di horcan Irma, Red Cross St. Maarten, branch di Nederlandse Rode Kruis, ta re-afirma su compromiso di yuda reconstrui St. Maarten door di entrega 500,000 cuminda na muchanan afecta pa horcan.

“Esaki ta un ehempel di nos compromiso di termino largo cu e comunidad di St. Maarten,” Michele Rezza Sanchez, Hefe di Mision pa Nederlandse Rode Kruis ta bisa. “No solamente nos a entrega mey miyon cuminda cu nos programa di alimentacion via skolnan, pero nos a extende e programa aki cu tres luna mas. Y awor nos a extende pa inclui 177 mucha mas di 6 skol secundario.”

For di October 2017, personal di Cruz Cora a provee desayuno sano y lunch na mas of menos 3350 alumno den 18 skol basico. Cruz Cora a distribui mas cu 11,000 voucher di cuminda na famianan den necesidad. Un proyecto “Waste to Work” a wordo lanza recientemente cu lo pone entrepreneurs local ‘up cycle’ desperdicio produci pa horcan y hende pa crea productonan nobo cu por wordo bendi. Tambe 2000 famia lo ricibi material y experticio tecnico pa yuda nan reconstrui nan cas destrui pa horcan.

Cu temporada di horcan algun luna leu, Cruz Cora ta preparando e comunidad pa segura cu nan ta bon prepara pa cualkier eventualidad. “Nos awor ta den proceso di crea ‘disaster response teams’ den cada comunidad den e 9 barionan cu nos ta trahando aden,” branch manager di St. Maarten Red Cross Nadjesca Gumbs a bisa. “E teams aki lo consisti di persona cu ta biba den e barionan. Despues di ricibi e training, nan lo ta e promenan pa responde ora cu tin un emergencia.”

E programanan aki ta wordo financia pa tur donacion ricibi di publico durante e campaña di fundraising lanza pa Nederlandse Rode Kruis inmediatemente despues di Horcan Irma. Den esaki Aruba tambe a participa cu fondo colecta pa comunidad di Aruba via Cruz Cora Aruba. E $21 miyon dollar recauda den Reino Hulandes a yuda cu e ‘Operation Red Cross’ na September 2017, y awor ta sigui sostene e recuperacion di e isla riba termino largo.

 

  • CFT: ‘Disciplina den maneho financiero di Bonaire ta alarmante’

    CFT: ‘Disciplina den maneho financiero di Bonaire ta alarmante’

    KRALENDIJK – Durante su bishita na Bonaire dia 19 di juni Colegio di supervision financiero di Bonaire, Sint Eustatius y Saba (Cft) a expresa su preocupacion na Colegio Ehecutivo y Conseho Insular. Cft ta constata cu Bonaire riba demasiado tereno no ta cumpli cu e normanan di e Ley di finansa di e entidadnan publico Bonaire, Sint Eustatius y Saba (Wet FinBES). ”Mester di mas forsa directivo pa logra resultado visible”, segun presidente di Cft Raymond Gradus.

  • Avion di InselAir ta bolbe St Maarten despues di problema cu motor

    Avion di InselAir ta bolbe St Maarten despues di problema cu motor

    PHILLIPSBURG – Un buelo di InselAir di St Maarten pa Corsou a bolbe Juliana Airport diaranson atardi ora cu e piloto a haya un indicacion cu e motor tabata ‘overheated’. Asina un comunicado di e aerolinea a raporta. Nan a sigui e procedura prescribi pa e fabrica (di e motor), y a paga e motor como precaucion y a aterisa e avion exitosamente. Tur pasahero abordo a keda traslada pa un hotel, cu transporte, y cuminda, y lo keda transporta pa Corsou riba otro buelonan asina cu esaki ta posibel. NOTA. E potret ta uno di archivo di InselAir. 

  • Polis ta tira atracador di casino na St Maarten mata

    Polis ta tira atracador di casino na St Maarten mata

    PHILIPSBURG–Un atracador arma a muri durante un intento di atraco riba Jump Up casino na Emmaplein na St Maarten. E atracadornan (2) a drenta e casino cu arma, y exigi placa cash di e cashiers. Un polis den ‘burger’ a nota e suceso y a usa su arma y tira un di e atracadornan cu a fayece despues na e sitio. E caso a tuma lugar algo despues di diaranson mei anochi. Potret cortesia SXM Informs. 

  • Elvis 'Monster' Kuwas a yega Bonaire bou vigilancia estricto

    Elvis 'Monster' Kuwas a yega Bonaire bou vigilancia estricto

    KRALENDIJK - Bou di vigilancia estricto, e persona sentencia como esun cu a asesina politico Helmin Wiels, esta Elvis 'Monster' Kuwas a yega Bonaire diamars atardi. E lo permanece na Bonaire pa su seguridad y lo keda transferi pa Corsou pa solamente ta presente na e caso Maximus, e siman aki. Pero e lo no pasa anochi na Corsou. E caso grandi cu ta trata e otro aspecto di morto di e politico Wiels, ta riba esnan cu a ordena y orchestra e asesinato. Wiels a keda asesina na mei 2013, y Kuwas den un caso anterior a keda sentencia como e asesino di Wiels. E ta pasando su condena na Hulanda, pero a bin pa e caso, pa despues e bay Hulanda bek. Potretnan cortesia TV Direct 

  • Gobierno Hulandes a garantiza suministro di coriente y gasoline pa Bonaire

    Gobierno Hulandes a garantiza suministro di coriente y gasoline pa Bonaire

    DEN HAAG – Gobierno Hulandes a tuma medida pa garantiza suministro di gasoline y coriente na Bonaire, despues cu e compania Mericano ConocoPHillips a confisca e reservanan di petroleo di e lugar local di almacenahe. Asina secretario di estado Hulandes Raymond Knops a bisa e partner di noticia Caribisch Netwerk diaranson. E terminal di petroleo BOPEC ta importante pa produccion di electricidad di habitantenan di Bonaire.

  • Comunicacion cu Venezuela ta solamente via Valencia y Punto Fijo

    Comunicacion cu Venezuela ta solamente via Valencia y Punto Fijo

    CARACAS/ORANJESTAD – Comunicacion aereo y maritimo cu Venezuela ta solamente via Valencia, estado Carabobo y Punto Fijo, estado Falcon por lo pronto. Mientras cu enberdad e relacion entre Venezuela y islanan ABC a ‘normaliza’ dialuna, esaki no kier men cu e trafico aereo y maritimo ta reanuda manera antes, usando p.e e aeropuerto di Maiquetia na Caracas y tur otro waf cu tabata uza antes. NoticiaCla a confirma cu su fuentenan cu e unico aeropuerto cu por usa pa yega y sali di dje na Venezuela ta esun di Valencia, esta aeropuerto Arturo Michelena, y pa waf por uza solamente esun di Punto Fijo, esta waf di Guaranao pa e islanan ABC. Esaki ta pa duna tempo pa por conforma e comisionnan mixto cu a palabra den e acuerdo. Tanten ta uza solamente e dos puntonan di salida di Venezuela.

  • Powered by SETAR