Baki cu hangua uza, completo cu nomber di hende, haya tira abou

ORANJESTAD – E descubrimento di un baki di hangua usa, completo cu nomber y fecha di nacemento riba nan, a causa un ola di reaccion den comunidad na Aruba diamars. Un ciudadano conoci, a raporta riba su pagina di Facebook cu el a haya esaki den cercania di e prota grandi pafo caminda bo ta drenta pa Coney Island su entrada. E ciudadano ta doño di un compania cu ta maneha bakinan chikito di sushi, ubica strategicamente rond di nos isla. Pero den e caso aki, e mes a keda sorprendi." Pa mi mes cu tin hopi experencia cu diferente sushi benta riba caya of beach ta di mas!!", tabata su reaccion. NoticiaCla a haya reaccion tambe di e director di departamento di Salud riba e tema aki.  “Esaki ta hopi espantoso y malo” , e director Jerry Staring a bisa den un comentario breve pa e portal aki. El a indica cu e mes no tabata na altura di esaki. Hopi mas informacion no tabatin riba e caso aki. Pero Staring a sigura e portal aki cu mientrastanto el a duna orden pa su hendenan tuma contacto cu e ‘dienst warenkeuring y higiene y dienst besmettelijke ziekten, y ademas a informa inspectie volksgezondheid riba e caso aki. Potretnan cortesia Clayton Brown.