Gobierno: Articulonan horta pa ex coordinador di AVP, recupera

ORANJESTAD – Segun un comunicado di gobierno, articulonan horta pa ex coordinadornan di AVP a keda recupera. Particularmente di un coordinador. Manera gobierno a informa anteriormente caba, un di e retonan cu Gabinete Wever-Croes a encontra 3 luna pasa na momento cu a tuma over gobernacion, tabata e traspaso caotico di e gobierno anterior.

FALTA DI EKIPO

Mesora a constata cu falta hopi ekipo entre otro customized Imac, customized computers, laptop, Ipad, y camaranan. Esakinan ta ekiponan caro y cu ta wordo uza pa conferencia di prensa. A haci keho, tabatin detencion, varios coordinador a trece cosnan bek, pero toch tabatin varios ekipo cu no a bolbe. ENTREGA Segun e comunicado, dialuna a habri cu e noticia cu Recherche a yama pa entrega articulonan haya cu ta pertenece na e gobierno for di e caso di e entrada hudicial di un ex coordinador.

Banda di esaki, tambe a recobra articulonan entrega na Directie Financien pa coordinadornan di e gobierno anterior.