KPA: Cambio importante di borchi na Welcome Plaza

Posted on 03/5/2018 11:42 pm AST | Updated on 03/5/2018 11:43 pm AST

ORANJESTAD - Entrante 13 di maart 2018 lo drenta na vigor cambionan importante na Welcome Plaza. Asina cuerpo policial di Aruba a informa pa medio di un comunicado. Segun KPA, despues cu a haci diferente sondeo y plannan pa un mihor structura a yega na un decision pa drecha e structura na Welcome Plaza. Sr. Lito Kock Hoofd Agent 1ste klasse cu ta maneha e Top di Oranjestad ta splica mas di e cambionan importante aki pa tur manehador di Taxi, Tour bus, Safari,Tour van y demas compania cu ta haci uzo di e entrada di waf pa nos industria di turismo.

Lo bai tin diferente borchinan di trafico nobo cu mester tene cuenta cu ne. E prome cambio ta na e entrada principal cu ta ubica pabou di CITGO Blvd. aki ta e entrada principal solamente pa Taxi, bus y personal di waf tur otro vehiculo di motor ta prohibi pa drenta lo tin un borchi di verboden ubica eynan.

E parkeerplaats lo wordo numera pa busnan y lo ta pa bus, taxi y personal di waf staciona eyden tur otro vehiculo ta prohibi di staciona eyden. Lo tin un borchi tambe cu ta bisa ta prohibi pa busnan staciona na Welcome Plaza for di 9:00 anochi pa 5:00 mainta. E plaza mester ta completamente liber den oranan di marduga. E pleinchi pabou di kioskonan lo tin un borchi pone cu ta prohibi pa auto staciona eynan. Pa motibo cu tera ta drenta den e railsnan di e tram y ta causa daño na e tram.

Ta bai tin borchi cu lo indica e prijsnan di bus,taxi y tour cu ta stipula pa ley. Lo tin borchi tambe di informacion pa turistanan cu baha for di barco crucero. Si bo no cumpli cu e borchinan aki lo tin un multa y tambe cu consecuencia cu bo vehiculo lo wordo getakel. Pa tur otro manehador di vehiculo cu no tin permiso pa drenta Welcome Plaza lo haya un multa.

 E idea di e borchinan aki ta pa baha e caos y tambe un miho structura na Welcome Plaza tanto pa e taxi, bus, tourguidesnan y tambe pa e bishitantenan hunto por eleva e calidad pa nos turistanan cu bishita nos isla via barco crucero. Un cooperacion di POLIS, APA, ATA,DTP y DOW

 

  • Mas ilegal Venezolano gara awe mainta na San Nicolas

    Mas ilegal Venezolano gara awe mainta na San Nicolas

    SERO COLORADO - Un rato pasa kustsurveillance a detene 5 persona ilegal (Venezolano) bandi caminda pafo di Colony. No por descarta cu nan lo ta pertenece na e grupo grandi cu lo a drenta ayera nochi na altura di Santana Di Cacho. Nan a wordo pasa pa departamento di guarda nos costa .

  • Entre 18 pa 30 illegal a subi tera na Sero Colorado

    Entre 18 pa 30 illegal a subi tera na Sero Colorado

    SERO COLORADO - Awe diamars pa 20:30 central di polis a wordo notifica door di patruta di San Nicolas cu tabata controlando e costa na altura di santana di cacho cu nan ta scucha gritonan di hendenan den lama. A notifica kustwacht y maritiem politie di biaha y kust surveillance pa asina cuminsa cu un buskeda riba lama y tambe riba tera den area di Colony. Un rato despues patruya di San Nicolas a topa cu un persona masculino na altura di e misa. E la bisa cu e tabata riba boto cu mas persona un rato prome . E la declara cu nan tabata 30 den e boto. Un rato despues kustwacht ta bin topa cu un persona masculino den lama . Nan a rescate y e ta conta cu nan tabata total 18. Dos diferente version na unda personal di guarda nos costa lo mester sigui cu e investigacion pa por saca afo ki tur tin di berdad . E buskeda a sigui y te cu awo no a topa nuin hende mas . Helicopter di kustwacht tabata bezig ta buscando den e momentonan aki. Patruya di San Nicolas a bin topa cu dos life jacket pero no sa si esakinan lo ta pertenece na e personanan cu lo por a drenta illegal na nos costanan. A tuma esaki nan den beslag tambe . Controlnan lo sigui na nos costanan door di tanto polis y kustwacht.Nota: potret ta di archivo di boto den pasado usa pa transporta illegal. 

  • Plantacion di marihuana descubri na cas na Bushistraat

    Plantacion di marihuana descubri na cas na Bushistraat

    ORANJESTAD - Awe diamars pa 19:43 central di polis ta wordo jama door di doño di un cas na Bushistraat na Ponton. E ta conta cu e la bai na e cas cu e ta verhuur y ta bin constata cu e personanan tin plantacion di marihuana den e cas. Ora esnan cu ta huur e cas a scucha cu e ta jamando polis , nan a subi den 3 diferente auto . E persona masculino den e auto nissan march shinishi a los un tiro den laira y a bandona e sitio. Mes momento e otro personanan cu tabata na e cas tambe a hui den un toyota tercel blanco y e otro ta un toyota tercel blauw. Di biaha patruya a ser manda na e cas na Bushistraat. Na yegada nan ta bin constata enberdad cu e plantacion di marihuana. Otro patruyanan riba caya a cuminsa cu e buskeda pa e 3 autonan aki . Pero no a logra pone man riba nan . Investigacion ta den man di departamento di droga y na e sitio a presenta polis technico tambe (BFTO). Fiscal tambe a presena na e sitio y a duna orden pa confisca e plantacion di marihuana. Cuerpo Policial ta pidi esnan cu sa of a wak algo jama e tiplijn cu ta 11141.

  • Studiante di polis cu e meta pa proteha nos medio ambiente

    Studiante di polis cu e meta pa proteha nos medio ambiente

    ORANJESTAD - Den cuadro di un proyecto pa cu medio ambiente un grupo di studiante di districto 4 Santa Cruz di Cuerpo Policial di Aruba a escoge pa bin cu un accion pa cu e problematica di contaminacion di nos suela (bodemvervuiling) a causa di “metalnan pisa” (zwaremetalen).

  • Azeta riba caminda na Palm Beach a causa varios dalmento cu auto

    Azeta riba caminda na Palm Beach a causa varios dalmento cu auto

    PALM BEACH – Polis a cera varios caminda na Palm Beach debi cu tin azeta plama riba caminda. Specificamente Hard rock Cafe bin lus di trafico Palm Beach bay te crusade pa bay Koyari (Buccaneer) end up riba rotonde Bubali bay Superfood pasa bandi Superfood, bay rotonde sigi riba Schotlandstraat te dilanti Watapana Tours ta sera pa trafico te proximo aviso. Manera informa, a constata cu tin azeta ariba e camindanan aki riba menciona pa cual motibo tin diferente dalmento a tuma luga.

  • Razzia na Brikstraat a produci detencion di 8 illegal Venezolano

    Razzia na Brikstraat a produci detencion di 8 illegal Venezolano

    ORANJESTAD – Un razzia efectua diabierna marduga pa Arestatie Team, T.B.P., Flex Team, personeel U.G.C., U.M.M y Honden Unit na Brikstraat, a produci 8 detencion di Venezolano illegal. Vocero di polis Lito Laclé a confirma cu di e grupo aki, 3 dama, 3 homber y 1 hoven masculino a drenta cu boto. Nan a wordu entrega na Guarda Nos Costa. Personal Unit Mensenhandel Mensensmokkel lo interoga e doño di cas.

  • Powered by SETAR