Turista Canades ta bolbe Aruba pa adopta cacho cu nan a conoce durante nan vacacion

ORANJESTAD/CANADA – Un pareha turista Canades a bolbe Aruba despues di nan vacacion, pa busca un cacho crioyo cu nan a gusta durante nan vacacion. E storia a hala atencion di prensa Canades cu a traha un storia riba e caso. E no ta e prome ni unico, pero sigur uno cu a hala atencion den e forma cu e turistanan a dicidi di bolbe Aruba, djis pa adopta e cacho. Hopi biaha turista ta adopta un cacho durante nan vacacion y ta hibe bek. Sinembargo e pareha aki a dicidi di haci e biahe te Aruba bek, djies pa e cacho.

E PAREHA

E pareha ta Jewel Black and Brian Rundle, y a enamora di un cacho crioyo durante nan vacacion. fell in love with a street dog, they call Ruby, on a recent trip to Aruba. Nan prome encuentro cu e cacho tabata durante un cena na un restaurant na Aruba. Hunto cu un grupo di otro cacho, e cacho particular cu nan a yama Ruby, a acerca nan enbusca di cuminda. E estado di e cachonan tabata malo, flaco, yena cu carpata y piew. A duna e cachonan cuminda y awa, y despues tur e cachonan cu excepcion di Ruby, a dicidi di bandona e area. Ruby a sigui nan te hotel y asina e relacion a cuminsa. Tur caminda nan a dicidi di hiba Ruby incluyendo keda cu nan den nan camber ( no a bisa cua hotel nan tabata keda). “Nos ta custumbra di duna cachonan cuminda prome, pero nunca mi no a sinti conecta cu e cacho” Black a bisa. Ora cu a bolbe nan pais, a kere cu nan lo a lubida riba e cacho etc. Den e caso aki no. Ora cu nan a yega Canada, e amor pa e cacho cu nan a laga atras, tabata mucho grandi. A opta pa subi avion y bolbe Aruba enbusca di e cacho. Aki cu ayudo di instancianan, a busca paradero di e cacho, y awor ta den e proceso pa adopta esaki y hibe bek Canada.