Meteo: Menasa di alerta di Tsunami pa Aruba ta falso

ORANJESTAD - Pa medio di e boletin aki Meteo Aruba, cu ta e entidad oficial pa duna informacion di tempo i situacion maritimota, a desmenti e informacion cu ta circulando cu Aruba ta bou di menaza di tsunami. Meteo ta reitera cu no tabatin ningun temblor maritimo cu a causa un tsunami. “ Pues e informacion aki ta completamente falso” Meteo a finalisa bisando.

OLEAJE

Loke si tin pa diamars, ta un aviso pa oleaje halto na nos costanan, cual aviso lo drenta na vigor mayan mainta 6' or.

AREANAN AFECTA

Principalmente costa oost, costa noord te noordwest, costa di arashi, high rise i low rise hotels.

SYNOPSIS

Labadernan biniendo for di noordoost causa pa un area di presion abou riba oceano atlantico lo causa olanan grandi cu por yega te 10 pia na parti di nos area costero. Esaki lo hasi parti di nos costanan relativamente bruto te hopi bruto...

ACCION DE PRECAUCION

Usadornan di lama, especialmente doñonan di boto chikito ta wordo avisa pa tene cautela cerca e areanan di costa menciona.