Trahadornan di ASTEC atrobe a para trabou na waf Barcadera

BARCADERA – Despues cu siman pasa trahadornan di Astec a pone trabou abou pa 2 ora, pa protesta e maneho di directiva, awe un biaha mas e trahadornan a pone trabou abou. E biaha aki atrobe pa 2 ora, unda cu a blokea e entrada y salida di e waf di Barcadera. Segun e trahadornan, nan no tin problema pa traha, pero kier pa gerencia continua cu e negociacion di CAO y reuni riba otro puntonan tambe. Pero e gerente ta insisti pa e reunion tuma lugar otro siman. Algo cu e trahadornan no kier tende. Foto archivo di accion di siman pasa.