FTA a gana referendum pa representa trahadornan CMB

ORANJESTAD – Sindicato FTA a gana e referendum diahuebs pa representa e trahadornan di Caribbean Mercantile Bank (CMB). Tabata diahuebs atardi/anochi cu e referendum pidi door di sindicato FTA bou di empleadonan di CMB, a tuma lugar.

DERECHO

Den e referendum aki 125 di e 197 trahadornan cu tabatin derecho a hasi uso di nan derecho di voto. Un total di 122 di e votantenan a scoge pa representacion sindical door di sindicato FTA.

HISTORICO

FTA ta contento pa e hecho historico aki unda cu despues di hopi decada tur banco grandi na Aruba tin representacion sindical. FTA a agradece cu e empleadonan di CMB, kendenan a pone nan confianza den nos organizacion pa atende cu nan asuntonan laboral.