Merca evaluando sancionan petrolero directo contra Venezuela

WASHINGTON (Reuters) – Gobierno Mericano ta considerando sancion contra PDVSA y restringui cobertura di seguropa embarcamento petrolero Venezolano, den un intento pa pone presion riba presidente Nicolas Maduro. Asina un oficial Mericano a bisa diaranson, segun e agencia di noticia Reuters.

ELECCION

Merca y su aliadonan ta considera e proximo eleccion presidencial Venezolano otro luna como un farse, y ta pensando riba sancion cu por perhudica e sector petrolero directamente, mas di loke e la haci caba. Algun di e sancionan por bin prome y otronan despues di eleccion. E fuente cu a papia a base di anonimidad, a bisa cu e no ta descarta un prohibicion total di embarcamento petrolero Venezolano pa Merca. Segun e fuente, e por tin implicacion directo riba e mercado petrolero riba termino corto. Ningun decision a wordo tuma ainda y cualkier accion ta tene na consideracion, e efecto riba e pueblo Venezolano. Sancionan petrolero no ta cos chikito, segun e informante. E lo ta e escalacion mas grandi Mericano pa politica Mericano, sea cu e ta un sancion completo petrolero of uno den pida.