Secretario general di WTO ta confirma Aruba su delantero riba otro paisnan

ORANJESTAD – Pa un pais por midi su exito turistico, e mester midi e felicidad di e pueblo tambe. Asina un pueblo por midi e exito di turismo. Ora cu e secretario general di World Tourism Organization (WTO), Taleb Rifai a anuncia cu paisnan mester inclui e ‘indice di felicidad’ pa un pais midi su exito turistico, a resalta cu Aruba ta delanta riba e plannan turistico.

Tabata durante e panel, modera pa CNN international unda cu 11 mandatario di paisnan den region, a discuti e situacionnan turistico den region. NoticiaCla.com a tuma nota di e discurso di e mandatario di turismo, Otmar Oduber, cu a impresiona e secretario general di WTO. Durante un combersacion entre e CEO di Aruba Tourism Authority, Ronella Tjin A Sjoe y e secretario general Rifai, e ultimo aki a vocifera e punto aki, unda cu Aruba lo a resalta pa cu su maneho di turismo.