Politico Abraham sentencia pero no ta bay prison

KRALENDIJK – E politico di Bonaire Clark Abraham a keda sentencia awe pa stalking y huisvredebreuk, pero no ta bolbe prison. Segun comunicado di ministerio publico, huez a haya legal i convincente mente proba cu Abraham ta culpabel di stalking di su ex-casa, pa na dos ocacion forsa entrada na dos ocacion den cas di su ex-casa i pa maltrato di e homber V.S. Wes a sentencia A. Na un castigo di prison di 98 dia, di cual 60 dia condicional cu un temporada di prueba di 1 aña. Fiscal di Ministerio Publico (OM) BES den e caso aki a hasi un demanda di 128 dia di prison, di cual 90 dia condicional i 3 aña di prueba.

VRIJSPRAAK

Abraham conforme demanda di Fiscal di OM BES, a haña vrijspraak pa maltrato di su ex-casa na juni 2017.Wes a mara na e castigo condicional tambe algun condicion specifico:  A. tin cu comporta su mes durante su periodo di su periodo di prueba i tin cu sigui tur instruccion di Stichting Reclassering Caribisch Nederland,. Tambe si esey ta nifica cu durante e temporada di prueba e tin cu pone su mes bou di tratamento di un psicologo di Mental Health Caribbean.  Tambe e condenado tin cu coopera ku e yudanza inicia pa Voogdijraad i Centrum voor Jeugd & Gezin. E no mag tin contacto directo of indirecto ku C.E., solamente si psicologo, Reclassering, Voogdijraad of Centrum Jeugd & Gezin ta haña esaki necesario relaciona cu e procedura di divorcio of proceso di atende cu su yiu homber menor di edad. Tambe e tin cu coopera cu e yudanza cu ta ser brinda pa Voogdijraad i Centrum Jeugd & Gezin. Esaki relaciona cu e cu e procedura di divorcio cu a keda inicia i tambe pa e condenado duna contenido na e asina yama "omgangsregeling" cu su yiu menor di edad. Tambe cu e condenado durante su periodo di prueba no mag busca ningun contacto cu V.S., solamente si esaki, na opinion di Reclassering, ta necesario.

REACCION CLARK

Den un reaccion cortico, Clark a pone un mensahe riba su Facebook wall, referente e caso:” Mi ta hopi contento cu Corte a dunami vrijspraak riba e cargo mas pisa, cu ta e acusacion falso cu mi lo a maltrata mi casa. Nunca den mi bida mi a maltrata ningun hende muhe. Mi ta hopi alivia cu hues tambe a conclui cu maltrato di mi casa nunca a tuma luga.

Aworaki mi ta bay studia e argumentonan bou di e veredicto, pa wak cua pasonan mester sigui. Mi ke gradici tur hende cu a sostene mi un biaha mas”, Te aki su reaccion cortico.