AZV: Pashent awor por haci afspraak personal of via telefon cu docter di cas

ORANJESTAD – Pashentnan cu kier un cita cu nan docter di cas, no mester wordo forza pa haci esaki of via telefon of personal. AZV ayera a sigura cu conforme puntonan di uniformidad regla cu asosacion di docternan di cas (HAVA), tur dos ta posibel. Tabata ayera cu AZV ayera a presenta e puntonan di uniformidad cu un pashent por spera di un docter di cas. No ta asina si cu tur docter di cas tin cu bay haci mescos cu otro, pero tin algun punto combina cu HAVA, por spera cu tur docter di cas por actua manera esey. Tambe a regla cu un pashent no mag warda mas di 3 dia pa haya un afspraak.

AFSPRAAK VIA TELEFON OF PERSONAL

Hopi biaha e pashent ta conta AZV cu den un practica di docter por traha afspraak solamente si bo pasa personalmente na oficina. Otro docter ta bisa cu ta solamente si yama, esaki por tuma lugar. Pero awor esaki ta cambia y awor pa regla, tur dos posibilidad ta existi. Tur practica di docter mester ofrece tur dos posibilidad. Preferiblemente ta pa hacie na telefon, pero no mag sosode mas cu ta nenga pashent afspraak si haci e afspraak na solamente telefon of bishita personal.

TEMPO DI ESPERA

Tur docter tin un telefon di urgencia, pero no ta e intencion pa e pashent yama e docter riba e number ey si no ta urgencia. Ta ripara tambe cu no tur asegurado ta custumbra cu e practica ey. E pashent no tur ora ta mira e docter di cas, sino e asistente di docter. E asistente ta entrena pa haci e prome evaluacion, y por haci contacto cu docter pa conseho. Pero segun e triage, e asistent di docter ta mira si enberdad e pashent su caso ta urgente, sino por traha un afspraak pa un otro dia. Un pashent tampoco mester warda 2 of 3 dia pa haya afspraak. Pero por surgi momento cu e docter ta hopi yen, cu e por sosode, pero e no mag tarda mas di 3 dia. AZV Ta hopi contento cu a yega na e resultado aki cu asina a duna mas claridad riba kico por spera di e docternan di cas.