Partido United Democrats a gana eleccion na St Maarten

Partido United Democrats a gana eleccion na St Maarten

Posted on 02/27/2018 10:13 am AST | Updated on 02/27/2018 10:21 am AST

PHILIPSBURG – E partido politico United Democrats cu Theo Heyliger a gana e eleccion parlamentario na St Maarten dialuna. Di e 22.559 votadornan registra, 13.932 persona a deposita nan voto. Por papia di un victoria aplastante cu e partido a logra, y e partidonan National Alliance y USP. Den careda di 2’or di awe marduga, e presidente di conseho electoral Jason Rogers a anuncia e resultado preliminar cu UD hayando 5,749 di e votonan emiti, NA a haya 4,139, USP 1,788m y SMPC 1,181. PPA a haya 280, SDM 416. Tabatin 303 voto invalido y 98 blanco.

ASIENTO

Esaki ta nifica cu UD a haya 7 asiento, NA 5, USP 2, y SMCP 1. Segun informacion preliminar, United Democrats a forma un coalicion caba cu e partido USP, cu ta bon pa hunto 9 di e 15 asientonan. Foto cortesia Luc Mercelina. Fuente SMN-NEWS.com

  • CFT: ‘Disciplina den maneho financiero di Bonaire ta alarmante’

    CFT: ‘Disciplina den maneho financiero di Bonaire ta alarmante’

    KRALENDIJK – Durante su bishita na Bonaire dia 19 di juni Colegio di supervision financiero di Bonaire, Sint Eustatius y Saba (Cft) a expresa su preocupacion na Colegio Ehecutivo y Conseho Insular. Cft ta constata cu Bonaire riba demasiado tereno no ta cumpli cu e normanan di e Ley di finansa di e entidadnan publico Bonaire, Sint Eustatius y Saba (Wet FinBES). ”Mester di mas forsa directivo pa logra resultado visible”, segun presidente di Cft Raymond Gradus.

  • Avion di InselAir ta bolbe St Maarten despues di problema cu motor

    Avion di InselAir ta bolbe St Maarten despues di problema cu motor

    PHILLIPSBURG – Un buelo di InselAir di St Maarten pa Corsou a bolbe Juliana Airport diaranson atardi ora cu e piloto a haya un indicacion cu e motor tabata ‘overheated’. Asina un comunicado di e aerolinea a raporta. Nan a sigui e procedura prescribi pa e fabrica (di e motor), y a paga e motor como precaucion y a aterisa e avion exitosamente. Tur pasahero abordo a keda traslada pa un hotel, cu transporte, y cuminda, y lo keda transporta pa Corsou riba otro buelonan asina cu esaki ta posibel. NOTA. E potret ta uno di archivo di InselAir. 

  • Polis ta tira atracador di casino na St Maarten mata

    Polis ta tira atracador di casino na St Maarten mata

    PHILIPSBURG–Un atracador arma a muri durante un intento di atraco riba Jump Up casino na Emmaplein na St Maarten. E atracadornan (2) a drenta e casino cu arma, y exigi placa cash di e cashiers. Un polis den ‘burger’ a nota e suceso y a usa su arma y tira un di e atracadornan cu a fayece despues na e sitio. E caso a tuma lugar algo despues di diaranson mei anochi. Potret cortesia SXM Informs. 

  • Elvis 'Monster' Kuwas a yega Bonaire bou vigilancia estricto

    Elvis 'Monster' Kuwas a yega Bonaire bou vigilancia estricto

    KRALENDIJK - Bou di vigilancia estricto, e persona sentencia como esun cu a asesina politico Helmin Wiels, esta Elvis 'Monster' Kuwas a yega Bonaire diamars atardi. E lo permanece na Bonaire pa su seguridad y lo keda transferi pa Corsou pa solamente ta presente na e caso Maximus, e siman aki. Pero e lo no pasa anochi na Corsou. E caso grandi cu ta trata e otro aspecto di morto di e politico Wiels, ta riba esnan cu a ordena y orchestra e asesinato. Wiels a keda asesina na mei 2013, y Kuwas den un caso anterior a keda sentencia como e asesino di Wiels. E ta pasando su condena na Hulanda, pero a bin pa e caso, pa despues e bay Hulanda bek. Potretnan cortesia TV Direct 

  • Gobierno Hulandes a garantiza suministro di coriente y gasoline pa Bonaire

    Gobierno Hulandes a garantiza suministro di coriente y gasoline pa Bonaire

    DEN HAAG – Gobierno Hulandes a tuma medida pa garantiza suministro di gasoline y coriente na Bonaire, despues cu e compania Mericano ConocoPHillips a confisca e reservanan di petroleo di e lugar local di almacenahe. Asina secretario di estado Hulandes Raymond Knops a bisa e partner di noticia Caribisch Netwerk diaranson. E terminal di petroleo BOPEC ta importante pa produccion di electricidad di habitantenan di Bonaire.

  • Comunicacion cu Venezuela ta solamente via Valencia y Punto Fijo

    Comunicacion cu Venezuela ta solamente via Valencia y Punto Fijo

    CARACAS/ORANJESTAD – Comunicacion aereo y maritimo cu Venezuela ta solamente via Valencia, estado Carabobo y Punto Fijo, estado Falcon por lo pronto. Mientras cu enberdad e relacion entre Venezuela y islanan ABC a ‘normaliza’ dialuna, esaki no kier men cu e trafico aereo y maritimo ta reanuda manera antes, usando p.e e aeropuerto di Maiquetia na Caracas y tur otro waf cu tabata uza antes. NoticiaCla a confirma cu su fuentenan cu e unico aeropuerto cu por usa pa yega y sali di dje na Venezuela ta esun di Valencia, esta aeropuerto Arturo Michelena, y pa waf por uza solamente esun di Punto Fijo, esta waf di Guaranao pa e islanan ABC. Esaki ta pa duna tempo pa por conforma e comisionnan mixto cu a palabra den e acuerdo. Tanten ta uza solamente e dos puntonan di salida di Venezuela.

  • Powered by SETAR