St Maarten ta eligi un Parlamento nobo awe atrobe

PHILIPSBURG– Votadornan na St Maarten ta bay urna electoral atrobe, den eleccion parlamentario despues di ‘apenas’ 17 luna cu tabatin eleccion caba. Nan lo scohe 15 miembro di parlamento entre 93 candidato, reparti den 6 partido politico. E 20 urnanan electoral a habri awe mainta 8’or y ta cera 8pm awe nochi.

SITUACION

E actual mayoria forma pa tres partido den coalicion (UP, DP y un parlamentario independiente, ta sostene e gabinete di prome minister Leona Romeo-Marlin, e di 6 prome minister di e isla, den apenas 8 aña. E isla tin 22.559 votador, di un pais di 60 mil residente. Mayoria di votadornan (11.678) ta hende muher.

PARTIDONAN

E partidonan cu ta partcipa ta UP (United Democrats) di Theo Heyliger (lista # 1), St Maarten Development Movement di Benjamin Ortega (lista #2), NA di Silveria Jaconbs (lista # 3), People’s Progressive Alliancve (PPA di Gracita Arrindell) (lista #4), US Party di Frans Richardson (lista # 5) y Christian PPArty (SMCP) di Wycliffe Smith (list # 6) .

Fuente/Potret pa cortesia di The Daily Herald.