CITGO a desactiva badge di trahadornan di contratistanan di refineria

SAN NICOLAS – Tres dia despues cu CITGO a informa NoticiaCla cu nan ta ‘slow down’ e proceso di rehabilitacion di e refinernia, nan a cumpli cu nan declaracion y cera badge di tur trahado di contratistanan. Fuentenan cerca di e proceso a confirma pa e portal cu e trahadornan tabata para pafo di e refineria, y no por a drenta. “E consorcio VEC a wordo bisa ayera cu nan contract a caba y a bira manda tur trahado di contratista cu ta traha pa nan, un carta”, e persona cu a papia riba condicion cu e ta keda anonimo, a sigui bisa. “Nan a manda e trahadornan un carta pa 3:50pm cu ta kita nan for di trabou 4pm. E persona a bisa tambe cu for di december, no a paga e trahadornan mas. Mientrastanto ministerio di Labor a sigura e portal aki cu minister di Labor Glenbert Croes lo no otorga permiso di retiro na e companianan y CITGO.

REACCION CITGO

NoticiaCla a busca reaccion di e compania CITGO, y nan a informa cu nan ta trahando riba un posibel reaccion, pero no a duna mas detayes. Ta keda pendiente pa nan reaccion.

.