Gobierno a formaliza concepto di ‘Cas di Seguridad’ pa Aruba

ORANJESTAD – Gobierno a formaliza e concepto di ‘cas di seguridad’ unda cu varios instancia ta bin hunto y purba guia y preveni cu esnan cu a comete fout den pasado, por drecha nan mes. E ta un iniciativa di ministerio publico, un concepto cu tin caba na otro paisnan manera Hulanda. E cas ta bay adresa pa reduci residivismo, y ora cu nan sali for di p.e KIA, guia nan pa evita cu nan ta bolbe bay den mal caminda.