NoticiaCla ta ripiti entrevista cu ehecutivonan di CITGO awe mainta

ORANJESTAD – NoticiaCla LIVE ta ripiti e entrevista cu e dos ehecutivonan di CITGO Petroleum Corporation, Jim Cristman (Vice President Refining) y Larry Elizondo Sr. (GM /Government & Public Affairs) di ayera tardi riba e pagina di FACEBOOK di NoticiaCla. Esey lo sosode awe mainta 11:30am ora di Aruba. Esaki ta debi na e demanda grandi pa mira e contenido di e programa, mirando cu e tabata basta detaya di tur pregunta cu tabata pendiente pa hopi tempo.

PROGRAMA

Ayera tardi e dos ehecutivonan a scohe NoticiaCla LIVE como prome programa pa splica e decision di ‘Slow Down’ di e rehabilitacion di e refineria, efectivo inmediatamente. Durante di e programa, a haci varios pregunta na e ehecutivonan pa haya claridad, manera kico e slowdown kier men, si esaki ta comienso di e final, cuanto trahado ta perde nan trabou, kico ta pasando cu gobierno no ta ricibiendo nan pagonan, pakico e contracto ta asina secreto y mas. No perde e programa awe mainta 11:30am riba e pagina di Facebook di NoticiaCla.