DVG cu presentacion na Wit Gele Kruis riba calamidad

DVG cu presentacion na Wit Gele Kruis riba calamidad

Posted on 02/20/2018 11:44 am AST | Updated on 02/20/2018 11:44 am AST

ORANJESTAD - Ronald Geerman crisis coordinator di Departamento di Salud Publico recientemente a duna un presentacion na e personal cu por atende cu cualkier calamidad den caso cu mester sosode cualkier incidente y cu lo mester habri postnan medico rond Aruba. E informacion aki ta hopi importante pa riba un base diario esaki keda wordo ripiti.

Esaki no solamente como un recordatorio, pero tambe pa e personal nobo cu ta drenta den servicio pa nan haya informacion corecto y sa nan rol y kico ta wordo verwacht di nan den caso di un crisis. Esaki ta e prome grupo y hunto cu nos partnernan nos lo habri postnan medico rond Aruba. Ta depende di e calamidad cu Aruba wordo confronta cune cu nos lo por habri postnan medico strategicamente ubica rond Aruba.

E motibo pakico ta importante pa por habri postnan medico na momento cu un incidente sosode ta keda di importancia. Atraves di e canalnan oficial di gobierno comunidad lo wordo informa unda e postnan aki ta situa y si tin cualkier trauma of incidente chikito, pa presenta na e post mas cerca dibo.

Hospital lo keda atende cu situacionan di gravedad y prioridadnan halto. Despues di e presentacion aki hunto cu Rampen Buro lo ehecuta diferente training riba diferente scenario y nivel. Tin trainingnan cu ta sosode sinta na mesa y tin training multidisiplinario unda ta envolucra ambulance, docternan, wit gele kruis y mas instancia. Sr. Ronald Geerman ta finalisa bisando: “Mas cu claro nos ta cuminsa cu e trainingnan chikito prome pa asina evalua kico a bay bon y kico mester wordo mehora pa despues poco poco nos intensifica y mehora esakinan.”

 

  • Recall productonan Kellogg’s extendi pa productonan mas bieu cu un aña

    Recall productonan Kellogg’s extendi pa productonan mas bieu cu un aña

    ORANJESTAD – E instancia federal Mericano a extende e recall di e producto di Kellogg’s pa tur producto di Kellogg’s Honey Smack Cereal. Esaki kier men, no ta importa e tamaño of e fecha di expiracion. Esaki despues di un brote di salmonella. E extension ta cubri tambe productonan cu tabata riba mercado mas hopi tempo cu aña. Pues si e producto ta existi mas cu un aña, tambe mester deshaci di dje. Departamento di salud di Aruba e siman aki a confirma cu aki a actua caba riba e recall y a check cu e distribuidor(nan) y supermercadonan pa saca e producto for di circulacion. 

  • Jossy Lacle y Luenne Pieters candidato pa dirigi Parke Arikok temporalmente

    Jossy Lacle y Luenne Pieters candidato pa dirigi Parke Arikok temporalmente

    ORANJESTAD – Den un intento pa establece orden bek na Parke Arikok, gobierno di Aruba (lesa: minister Otmar Oduber) lo propone e dos candidatonan Luenne Gomez Pieters y Jossy Laclé pa fungi como directiva interino te ora cu keda cla cu e proceso pa bin cu un directiva nobo. E intencion ta pa huez diahuebs merdia impone un ‘medida di orden’ temporal, aprobando e sugerencia di gobierno di Aruba. NoticiaCla a compronde tambe cu varios NGO a haya notificacion pa ta presente na e caso y bisa huez cu nan no tin obhecion contra e dos candidatonan. Luenne Gomez ta director di Impuesto, y Jossy Lacle ta ex director di WEB y tabata forma parti di varios hunta di comisario den pasado.

  • DVG: Recall producto di Kellogg’s ta valido pa Aruba y a kita e producto

    DVG: Recall producto di Kellogg’s ta valido pa Aruba y a kita e producto

    ORANJESTAD – Departamento di Salud a confirma e informacion di NoticiaCla di e recall di producto di Kellogg’s esta e Honey Smacks Cereal. DVG den un comunicado a confirma cu Food and Drugs Administration (FDA) recientemente a haci un ‘recall’ riba e producto Honey Smacks Cereal di marca Kellogg’s despues cu varios persona a bira malo di Salmonella den diferente estado na Merca.

  • Ministernan a topa cu studiantenan pensa pa studia na Hulanda

    Ministernan a topa cu studiantenan pensa pa studia na Hulanda

    ORANJESTAD / DEN HAAG – Durante su bishita di trabou na Aruba recientemente, Minister Plenipotenciario Guillfred Besaril, hunto cu su colega Minister di Enseñansa Rudy Lampe y Departamento di Enseñansa a organiza un encuentro pa hobennan cu tin e intencion di bay studia na Hulanda. Mas cu 400 studiante hunto cu nan mayornan a presenta den e auditorio di Colegio EPI pa asina ricibi informacion di Arubahuis y di Departamento di Enseñansa tocante e periodo di preparacion prome cu nan estudio. Arubahuis a duna un presentacion extenso riba locual e studiantenan por spera na momento di yega Hulanda pa loke ta trata servicionan di Arubahuis.

  • Training multidisciplinario pa horcan ta tuma lugar na Aruba

    Training multidisciplinario pa horcan ta tuma lugar na Aruba

    ORANJESTAD - Bureau Rampenbestrijding Aruba kier a pone e publico na altura cu riba e fecha diaranson 20 y diahuebs 21 di juni 2018 ta tuma luga un training multidisciplinario na diferente localidad na Aruba. Pa 36 ora largo lo ta bay tin diferente scenarionan sea riba tera of riba lama. Den e 36 oranan aki e acceso pa trafico lo por tin chance di wordo stroba pa algun minuut. Hurex 2018 Aruba ta un training cu lo ta tumando luga entre diferente organisacion, dienst y instancianan di Aruba.

  • Bikker: Castigo combina di 15 aña prison/TBS ta bira 25 aña cera

    Bikker: Castigo combina di 15 aña prison/TBS ta bira 25 aña cera

    ORANJESTAD – Pueblo por ta sigur cu si e sentencia cu fiscal a pidi den caso di Speeltuin pa e padrastro, cu Aruba lo ta cla pa atende cu esey. E mandatario di husticia Andin Bikker, ta referi na e hecho cu fiscal a pidi un castigo combina di prison y Ter Beschikking Stelling (TBS). Pero na Aruba y Corsou no tin e facilidad aki ainda. Pues esey lo por a bira un problema. Pero e mandatario a sigura cu pa ora cu e sentencia cay, dia 6 di juli proximo, cu lo tin un solucion pa esey.

  • Powered by SETAR