Parlamentario activo di St Maarten deteni pa fraude

PHILLIPSBURG – Parlamentario di St Maarten Frans Richardson a keda deteni ayera riba e isla. E ta sospecha di soborno y fraude di impuesto. Richardson ta e lider di e partido politico USP cu tin 3 di e 15 asientonan den e actual Parlamento.

DETENCION

E orden di detencion ta parti di un investigacion rba fraude y corupcion den waf di St Maarten. Door di e actuacion di e parlamentario, departamento di impuesto lo a faya di haya 3 miyon euro. Den e mesun caso tin un otro parlamentario caba cu ta den corte. Ta trata aki di e parlamentario Chanel Brownbill cu siman pasa ainda tabata dilanti mesa berde.

MAS DETENCION

Banda di Richardson tin un director di un compania di construccion cu tambe a keda deteni. E detencion ey ta di un investigacion den soborno di ambtenaar y gobernante. Despues di e horcan Irma, ta vigilando extra riba posibel señal di fraude y corupcion den gobierno y e sector di construccion. Fuente NOS, potret di Daily Herald.