Total di 17.5 mm di awacero a cay na Aruba den 24 ora

ORANJESTAD – Un total di 17.5 mm awa a cay den e ultimo 24 ora na Aruba. E cantidad di awacero ey, pa Aruba servicio meteorologico ta considera hopi. Asina e departamento a confirma awe mainta pa NoticiaCla. Mes momento a bisa cu e cantidad mas hopi cu a cay tabata ayera nochi entre 8’or y 10’or di anochi, aunke cu tin e percepcion cu awe mainta tambe hopi awa a cay. “Berdad pero esun mas hopi si ta ayera nochi” Meteo a sigura e portal aki. Pa e proximo 24 ora ta spera mas awacero, por lo menos 30% chens despues di merdia y pa mayan mainta. No por bisa exactamente con hopi y si ta mes hopi cu e ultimo 24 ora. Manera custumber, lugarnan conoci a bolbe keda afecta manera e cruzada na ex Codemsa.